#ថៃ-ចិន

រដ្ឋាភិបាលថៃកំពុងពន្លឿនការសាងសង់ដំណាក់កាលទីពីរនៃផ្លូវរថភ្លើងល្បឿនលឿនពីប្រទេសថៃទៅចិន ដែលតភ្ជាប់ពីក្រុងនគររាជសីមាទៅខេត្តណងខៃ ហើយនិងផ្លូវរថភ្លើងមួយខ្សែទៀតដែលតភ្ជាប់ពីក្រុងខុនកេនទៅខេត្តណងខៃ ដែលមានតម្លៃសរុបជាង ៨ពាន់៦រយលានដុល្លារ។ ការពន្លឿនការសាងសង់ផ្លូវរថភ្លើងល្បឿនលឿនថៃ-ចិននេះ គឺមានគោលបំណងក្នុងការកាត់បន្ថយការចំណាយលើថ្លៃដឹកជញ្ជូនដែលមានដល់ទៅជាង១៣% នៃGDP របស់ប្រទេសថៃ ក្នុងឆ្នាំ២០២១ ឲ្យមានមកនៅត្រឹម ១១%នៃGDPនៅឆ្នាំ២០២៧។ នេះបើតាមការចុះផ្សាយដោយសារព័ត៌មាន Bangkok Post។