#តម្លៃនាំចេញស្រូវ

ចំណូលពីការការនាំចេញអង្ករ និងស្រូវរបស់កម្ពុជា ទៅកាន់ទីផ្សារអន្តរជាតិ នៅ៥ខែដំបូងឆ្នាំ២០២៤នេះ សម្រេចបានជាង៩៣០លានដុល្លារ ក្នុងនោះទំហំទឹកប្រាក់នៃការនាំចេញស្រូវមានច្រើនជាងការនាំចេញអង្ករដល់ទៅជាង៣ដងឯណោះ ពោលគឺចំណូលពីការនាំចេញអង្ករមានជាង២០០លានដុល្លារ ខណៈចំណូលពីការនាំចេញស្រូវមានជាង៧០០លានដុល្លារ។ នេះបើយោងតាមរបាយការណ៍ពីសហព័ន្ធស្រូវអង្ករកម្ពុជា។ អ្នកជំនាញអះអាងថា ការនាំចេញអង្ករកម្ពុជា នៅ៥ខែឆ្នាំនេះ គឺមានការកើនឡើងគួរឱ្យកត់សម្គាល់បើធៀបនឹងឆ្នាំមុន ទាំងទៅកាន់ទីផ្សារអឺរ៉ុប ចិន និងទីផ្សារក្នុងតំបន់។