[VIDEO] បន្ទាប់ពី​សួនសត្វ សាហ្វារី ឧកញ៉ា លី យ៉ុងផាត់ នឹង​បើក​សួន​ទឹក​ដ៏​ធំ​បំផុត​មួយទៀត ចុង​ឆ្នាំនេះ!

បើមិនមានអ្វី ប្រែប្រួលទេ សួនទឹកកម្សាន្ដដ៏ធំជាងគេបង្អស់នៅអាស៊ាន ឈ្មោះហ្គាឌិន ស៊ីធី វ៉តធើផាក ដែលមានតម្លៃវិនិយោគចុះបញ្ជីប្រមាណ ៥៥ លានដុល្លារអាមេរិក វិនិយោគដោយក្រុមហ៊ុន LYP Group របស់ ឯកឧត្តម អ្នកឧកញ៉ា លី យ៉ុងផាត់នោះ នឹងបើកដំណើរការជាធារណៈនៅថ្ងៃទី ៣១ ខែធ្នូ ឆ្នាំ២០១៩នេះហើយ ខណៈដែលនៅខែសីហា ឆ្នាំនេះ សួនទឹកនេះ ក៏នឹងបើកដំណើរការសាកល្បង សម្រាប់ភ្ញៀវចូលលេងកម្សាន្ដផងដែរ។ នេះបើតាម ការបញ្ជាក់ពីអគ្គនាយកក្រុមហ៊ុន LYP Group។

សួនទឹក​ដ៏ធំ ហ្គាឌិន ស៊ីធី វ៉តធើផាក​នេះ ត្រូវបាន​គេមើលឃើញថា ជាផលិតផល​ទេសចរណ៍​សំខាន់​មួយ សម្រាប់​ជំរុញ​កំណើន​ទេសចរណ៍​របស់កម្ពុជា ដែលបច្ចុប្បន្ន​រាជរដ្ឋាភិបាល​ចាត់ទុក​វិស័យនេះ​ជា «មាសបៃតង» របស់កម្ពុជា។

សួនទឹកកម្សាន្ត  ហ្គាដិនស៊ីធី វ៉តធើផាក នេះ បាននិងកំពុង​អភិវឌ្ឍ​សាងសង់​នៅលើផ្ទៃដី ជិត ៧ហិកតា ដែលស្ថិត​នៅក្នុង​តំបន់​អភិវឌ្ឍន៍​ទីក្រុងរណបថ្មី របស់ឯកឧត្តម អ្នកឧកញ៉ា លី យ៉ុងផាត់ ក្នុង​សង្កាត់​ព្រែកតាសេក ខណ្ឌជ្រោយ​ចង្វារ​ប្រមាណជាង ១៥ គីឡូម៉ែត្រ​ពីរាជធានីភ្នំពេញ៕