ចូលឆ្នាំចិន ២ថ្ងៃ ភ្ញៀវទេសចរជាង ៦០ម៉ឺននាក់ បានចេញធ្វើដំណើរកម្សាន្ដ

បើតាម​តួលេខ​ពី​ក្រសួង​ទេសចរណ៍ ក្នុងចំណោម​ភ្ញៀវទេសចរ​៦០ម៉ឺននាក់ដែលបាន​ចេញ​ធ្វើដំណើរកម្សាន្ដនោះ ការធ្វើដំណើរ​កម្សាន្ដ​នៅក្នុងរាជធានីភ្នំពេញ​មានច្រើនជាងគេ ប្រមាណ ១០ម៉ឺននាក់ បន្ទាប់មកគឺខេត្ត​សៀមរាប​ប្រមាណជាង ៧,៣ម៉ឺននាក់ ខេត្តកែប ជាង​៦,៥ម៉ឺននាក់ ខេត្តព្រះសីហនុប្រមាណ​៦ម៉ឺននាក់ និងខេត្ត​កំពតជិត៦ម៉ឺននាក់ រួមទាំង​ខេត្ត​ផ្សេងៗទៀត។

បើតាម​រដ្ឋមន្ត្រី​ក្រសួងទេសចរណ៍ នៅអំឡុងពេល​ថ្ងៃបុណ្យចូលឆ្នាំចិននេះ ដូចការគ្រោងទុក ចលនាភ្ញៀវ​នាថ្ងៃទី២ មាន​សន្ទះខ្លាំង​ជាងថ្ងៃទី១ ប៉ុន្តែ​ប្រជាពលរដ្ឋ​មួយចំនួន​បានជ្រើសរើស​ដើរកម្សាន្ត​នៅតាមគោលដៅ​ជិតៗ ឬវិលល្ងាច៕