លោក លី ថៃ អនុប្រធាននាយកប្រតិបត្តិធនាគារអេស៊ីលីដាបានមានប្រសាសន៍ថា នេះជាលើកទី៥ហើយ ដែលធនាគារអេស៊ីលីដា បានចូលរួមក្នុងការបរិច្ចាគឈាម ដើម្បីរួមចំណែកក្នុងសង្គម ជាពិសេសជនរងគ្រោះដែលកំពុងតែត្រូវការឈាមជាចាំបាច់។ លោកបន្តថា ការធ្វើជំនួញគឺសំខាន់មែន ប៉ុន្តែបើសិនជាមិនមានការចែករំលែកនោះទេ ការចំណេញនោះគ្មានប្រយោជន៍អ្វីទាល់តែសោះ។
ចំណែកលោកស្រី សុខ សោភា នាយិកាប្រតិបត្តិទីផ្សារនៃធនាគារអេស៊ីលីដាបានឲ្យដឹងដែរថា ក្នុងនាមជាថ្នាក់ដឹកនាំមួយរូប លោកស្រីចង់ចូលរួមជាមួយបុគ្គលិកទាំងអស់ធ្វើការងារមនុស្សធម៌ ដោយមិនរំពឹងថា ចង់បានអ្វីមកវិញនោះទេ ។ ហើយលោកស្រី ក៏ជំរុញនិងលើកទឹកចិត្តដល់ប្រជាពលរដ្ឋទាំងអស់ដែលមានសុខភាពល្អចូលរួមជួយគ្នាក្នុងនាមជាតិសាសន៍តែមួយ។
អត្ថបទទាក់ទង!
លោកវេជ្ជបណ្ឌិត ហុក គឹមចេង ប្រធានមជ្ឈមណ្ឌលជាតិផ្តល់ឈាម បានបង្ហាញពីក្តីរីករាយចំពោះ ធនាគារអេស៊ីលីដា ក្នុងនាមវិស័យឯកជនបានរួមចំណែកក្នុងការបរិច្ចាគឈាមនាពេលនេះ ព្រោះថា សព្វថ្ងៃ គឺកំពុងតែមានការខ្វះខាតឈាមនៅតាមមន្ទីរពេទ្យនានា។ លោកសង្ឃឹមថា ស្ថាប័នឯកជនដទៃទៀតនឹងចូលរួមជាមួយមជ្ឈមណ្ឌលជាតិផ្តល់ឈាមដូចអេស៊ីលីដា ដើម្បីជួយដល់ជនរងគ្រោះដែលកំពុងត្រូវការឈាមជាចាំបាច់។
បុគ្គលិកធនាគារអេស៊ីលីដាជាង ២០០ នាក់ផ្ដល់ឈាម
បុគ្គលិកធនាគារអេស៊ីលីដាជាង ២០០ នាក់ផ្ដល់ឈាម
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
