អេស៊ីលីដាយូនីធីទាន់ចិត្ត គឺជាប្រព័ន្ធឌីជីថល (បច្ចេកវិជ្ជាព័ត៌មានហិរញ្ញវត្ថុ) មួយប្រភេទដែលអនុញ្ញាតឱ្យអតិថិជន និងសាធារណជន ទូទៅ ដែលធ្លាប់ ឬមិនធ្លាប់ប្រើសេវាធនាគារពីមុនមក អាចធ្វើប្រតិបត្តិការសេវាធនាគារដោយខ្លួនឯង តាមរយៈទូរស័ព្ទចល័ត ដែលដំណើរការដោយប្រព័ន្ធ Android និង iOS ដែលមានលក្ខណៈងាយស្រួល និងសុវត្ថិភាពខ្ពស់បំផុត។
បណ្ឌិត អុិន ចាន់នី ប្រធាននាយកប្រតិបត្តិ ធនាគារ អេស៊ីលីដា ភីអិលស៊ី បានបញ្ជាក់ថា "អស់រយៈពេល ជាង ៣ឆ្នាំ មកហើយ ដែល អេស៊ីលីដាយូនីធីទាន់ចិត្ត បានដាក់ឱ្យប្រើប្រាស់ និងបន្តអភិវឌ្ឍឥតឈប់ឈរ ដោយបន្ថែមមុខងារសេវាកម្មធនាគារប្រកបដោយសុវត្ថិភាពខ្ពស់ ឆ្លើយតបនឹងតម្រូវការប្រើប្រាស់សេវា ធនាគារជូនអតិថិជន និងសាធារណជន យ៉ាងសំបូរបែបស្របតាមយុគសម័យឌីជីថល។”
អត្ថបទទាក់ទង!
លោកបណ្ឌិត បន្ថែមថា ការអភិវឌ្ឍមុខងារ បន្ថែមនេះ ក្នុងគោលបំណងធ្វើឱ្យ អេស៊ីលីដា យូនីធីទាន់ចិត្ត ក្លាយជាធនាគារពិតស្ថិតនៅក្នុងដៃរបស់ អតិថិជន និងសាធារណជន។ រហូតមកដល់បច្ចុប្បន្ននេះ មានអតិថិជនប្រមាណ ១,៥ លាននាក់ ដែល កំពុងប្រើប្រាស់កម្មវិធីសេវាធនាគារតាមទូរស័ព្ទដ៏វៃឆ្លាតជាងគេមួយនេះ។ ក្នុងបរិយាកាសនេះ អតិថិជន មាន អេស៊ីលីដាយូនីធីទាន់ចិត្ត អាចធ្វើប្រតិបត្តិការគ្រប់ទីកន្លែង និងគ្រប់ពេលវេលា លោកអ្នកសឹង តែមិនចាំបាច់មកធ្វើប្រតិបត្តិការនៅតាមបញ្ជរការិយាល័យរបស់ធនាគារ ពីព្រោះ អេស៊ីលីដាយូនីធី ទាន់ចិត្ត មានមុខងារដូចការបម្រើ និងធ្វើប្រតិបត្តិការផ្ទាល់នៅក្នុងធនាគារ។
លោក សុវណ្ណ ណែត ដែលជាអ្នកប្រើប្រាស់ កម្មវិធីធនាគារ អេស៊ីលីដា យូនីធីទាន់ចិត្ត បានឲ្យដឹងថា មានកម្មវិធីនៅក្នុងទូរស័ព្ទដៃ វាបានជួយសម្រួលដល់ការទូទាត់នានាបានច្រើនទាំងការងារ និងមុខរបររកស៊ីរបស់លោក។ លោក ណែត បន្ថែមទៀតថា កម្មវិធីអេស៊ីលីដាយូនីធី ទាន់ចិត្ត គឺមានភាពងាយស្រួល ក្នុងការទូទាត់ការចំណាយនានា តាមរយៈ QR Code ហើយអ្វីដែលពិសេសនោះ គឺ ការទូទាត់ថ្លៃទឹក ភ្លើងជាដើម។ មិនតែប៉ុណ្ណោះ វាក៏ងាយស្រួលក្នុងការទិញកាតទូរសព្ទគ្រប់ប្រព័ន្ធបានគ្រប់ពេលវេលាតាមរយៈទូរសព្ទដៃ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
