វ៉ាក់សាំងកូវីដ១៩ប្រភេទ Pfizer ចំនួន ២ លានដូសទៀត នឹងមកដល់កម្ពុជានៅព្រឹកស្អែកនេះ

ពិធីមកដល់នៃវ៉ាក់សាំងកូវីដ ១៩ ប្រភេទ Pfizer នេះ ធ្វើឡើងនាព្រឹក ថ្ងៃអង្គារ ទី៣ ខែឧសភា នៅអាកាសយានដ្ឋានអន្តរជាតិភ្នំពេញ ចំណតពិសេស។ ក្នុងនោះ ក៏នឹងមានវត្តមាន លោកឯកអគ្គរដ្ឋទូតសហរដ្ឋអាមេរិក W. Patrick Murphy ឯកឧត្តមរដ្ឋមន្រ្តីក្រសួងសុខាភិបាល វេជ្ជបណ្ឌិត ម៉ម ប៊ុនហេង តំណាងអង្គការ UNICEF និង អង្គការសុខភាពពិភពលោក នៅក្នុងពិធីនេះផងដែរ។

សូមបញ្ជាក់ថា អំណោយវ៉ាក់សាំងកូវីដ ១៩ ប្រភេទ Pfizer ចំនួនប្រមាណ ២លានដូសនេះ គឺជាផ្នែកមួយនៃការជួយគាំទ្រជាបន្តមក របស់សហរដ្ឋអាមេរិកចំពោះប្រជាជនកម្ពុជា ហើយក៏បានបង្ហាញឲ្យឃើញពីភាពជាអ្នកដឹកនាំរបស់សហរដ្ឋអាមេរិក នៅក្នុងកិច្ចការទូតលើវិស័យសុខភាពសាធារណៈផងដែរ៕

អត្ថបទ សោម ស្រីពេជ្រ