របាយការណ៍ពីស្ថាប័នអន្តរជាតិ The EF Education First ដែលបានស្ទង់មតិជាមួយនឹងយុវជនជាង ១,៣ លាននាក់ ដែលមិនមែនជាអ្នកនិយាយភាសាអង់គ្លេសពីកំណើត (Non-native English speakers) មកពី៨៨ ប្រទេស នៅក្នុងតំបន់ បានបង្ហាញឲ្យដឹងថា នៅតំបន់អាស៊ីយើងនេះ មានប្រទេស៥ ដែលមានប្រជាជនជំនាញខាងប្រើប្រាស់ភាសាអង់គ្លេសបានល្អជាងគេ។ ដែលក្នុងនោះ ប្រទេស សាំងហ្គាពួ គឺស្ថិតនៅលំដាប់ជួរមុខគេ។
ការស្ទង់មតិបានរកឃើញទៀតថា ស្ត្រី គឺនៅតែបន្តអភិវឌ្ឍជំនាញប្រើប្រាស់ភាសាអង់គ្លេសបានគ្រាន់បើជាងបុរស។
អត្ថបទគួរឲ្យចាប់អារម្មណ៍!
បើតាមការបែងចែកទៅតាមកម្រិតពិន្ទុដែលរៀបរៀងដោយ ស្ថាប័នអន្តរជាតិ The EF Education First បានបង្ហាញពីចំណាត់ប្រទេសទាំង៥នោះ ដូចខាងក្រោម៖
១, សាំងហ្គាពួ (ពិន្ទុ ៦៨,៦៣)
២, ភីលីពីន (ពិន្ទុ ៦១,៨៤)
៣, ម៉ាឡេស៊ី (ពិន្ទុ ៥៩,៣២)
៤, ឥណ្ឌា (ពិន្ទុ ៥៧,១៣)
៥, ទីក្រុងហុងកុង ប្រទសចិន (ពិន្ទុ ៥៦,៣៨)
ជាមួយគ្នានេះ ជាលើកទីមួយហើយ ដែលប្រទេសសាំងហ្គាពួបានជាប់ចំណាត់ថ្នាក់លេខ៣ ដែលជាប្រទេសមានប្រជាជនមានជំនាញប្រើប្រាស់ភាសាអង់គ្លេសច្រើនជាងគេ លើពិភពលោកបន្ទាប់ពី ប្រទេស Sweden និង Netherlands។
ប្រទេសក្នុងតំបន់អឺរ៉ុប នៅតែស្ថិតក្នុងលំដាប់នាំមុខគេទូទាំងសកលលោក ដែលមានប្រជាជនប្រើប្រាស់ភាសាអង់គ្លេសច្រើនជាងគេ។
តាមរយៈការស្ទង់មតិ ជាមួយនឹងប្រជាជនក្នុង ៨៨ ប្រទេសក្នុងតំបន់ បានឲ្យកត់សម្គាល់ឃើញដែរថា ប្រទេសម៉ាឡេស៊ី នៅឈរក្នុងលំដាប់លេខរៀងទី ២២ ដែលជាប្រទសមានអ្នកជំនាញប្រើប្រាស់ភាសាអង់គ្លេសច្រើនជាងគេ ខណៈដែលភីលីពីនឈរក្នុងលេខរៀងទី១៤។ រីឯ ប្រទេសឥណ្ឌា ហុងកុង កូរ៉េខាងត្បូង វៀតណាម និងម៉ាកាវ គឺឈរក្នុងលំដាប់ថ្នាក់កណ្ដាល៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
