ដោយមានការចិញ្ចឹមមានការធ្លាក់ចុះជិតដល់កម្រិតទាបបំផុតតាំងពីដើមទសវត្សរ៍ឆ្នាំ១៩៩០មក ប្រទេសអូស្ត្រាលីដែលជាប្រទេសផលិតសាច់គោដ៏ធំរបស់ពិភពលោក ប្រឈមនឹងលទ្ធភាពនៃការបាត់បង់នូវតំណែងកំពូលអ្នកនាំចេញសាច់គោលំដាប់ទី២ នៅពីក្រោយប្រទេសប្រស៊ីល ព្រោះតែអ្នកផលិតសាច់គោក្នុងស្រុកនៅអូស្ដ្រាលី មិនមានគោត្រៀមនៅក្នុងស្ដុក ដែលអាចបម្រើទីផ្សារសកលលោកបានទេ ដោយសារតែមានការកើនឡើងខ្លាំងនៃតម្រូវការនៅក្រោយវិបត្តិកូវីដ-១៩។
ហេតុអ្វី បានជាអូស្ត្រាលីប្រឈមនឹងការខ្វះខាតសាច់គោ ដើម្បីផ្គត់ផ្គង់ទីផ្សារសាកល?
បញ្ហានេះ គឺដោយសារតែមានម្ចាស់កសិដ្ឋានខ្លះបន្តបញ្ជូនគោញីទៅទីសត្តឃាតសម្លាប់យកសាច់ ដោយមិនបានរក្សាទុកច្រើនសម្រាប់បង្កាត់ពូជបន្ដនោះទេ។ តួលេខផ្លូវការចុងក្រោយបានបង្ហាញថា អត្រានៃចំនួនគោញីដែលត្រូវបានសម្លាប់យកសាច់មានដល់ទៅជាង៤៨% នៃការសម្លាប់គោយកសាច់សរុបទៅហើយ ដែលអត្រានេះ គឺមានមិនត្រូវទៅនឹងបច្ចេកទេសក្នុងការចិញ្ចឹមផ្គត់ផ្គង់សាច់គោឲ្យទាន់តម្រូវការនោះទេ ដោយអត្រាត្រឹមត្រូវ គឺការសម្លាប់សត្វគោញីយកសាច់ត្រូវមាន៤៧% ឬក្រោមនេះ នៃការសម្លាប់គោយកសាច់សរុប។
អូស្ត្រាលីកំពុងជិតអស់គោផ្គត់ផ្គង់ទីផ្សារពិភពលោកហើយ?
អត្ថបទទាក់ទង
ឧស្សាហកម្មសាច់គោរបស់អូស្ត្រាលីបានជួបប្រទះនូវភាពច្របូកច្របល់មួយចំនួនបន្ទាប់ពីគ្រោះរាំងស្ងួតជាច្រើនឆ្នាំបានបង្ខំឲ្យម្ចាស់កសិដ្ឋាន ដែលមិនអាចទ្រាំទ្រនឹងការចិញ្ចឹមបាន។ ជាលទ្ធផលនៃការផ្គត់ផ្គង់លើសតម្រូវការទីផ្សារបានបណ្ដាលឲ្យតម្លៃគោរបស់អូស្ត្រាលីមានការធ្លាក់ចុះនៅក្នុងឆ្នាំ២០១៩ មានប្រហែលពាក់កណ្ដាលនៃតម្លៃបច្ចុប្បន្ន។
ប្រទេសអូស្ត្រាលី ត្រូវបានដឹងថា មានចំណែកប្រមាណ ៤%នៃផលិតកម្មសាច់គោពិភពលោក ហើយប្រទេសនេះ ក៏ជាអ្នកនាំចេញសាច់គោដ៏ធំជាងគេមួយក្នុងពិភពលោកផងដែរ។ ទីផ្សារធំៗដែលសាច់គោអូស្ត្រាលីនាំចេញទៅ មានដូចជា ប្រទេសចិន ជប៉ុន និងកូរ៉េខាងត្បូង ដោយមានទំហំនាំចេញធ្លាក់ចុះ១៥% កាលពីឆ្នាំមុន ដោយសារតែតម្លៃសាច់គោឡើងថ្លៃពេក ធ្វើឲ្យប៉ះពាល់ដល់តម្រូវការ៕
