កម្ពុជានាំចេញផលិតផលឧស្សាហកម្ម ៦ពាន់លានដុល្លារអាមេរិក ក្នុងឆ្នាំ២០២០ ថយចុះជាង៤០%

នៅក្នុងរបាយការណ៍ដដែលនេះ បានបង្ហាញទៀតថា ការថយចុះនៃ គឺអាស្រ័យដោយ​កត្តាសត្យានុម័ត​នៃការបិទទ្វារឬព្យួរដំណើការ​រោងចក្រ​ក្នុងវិបត្តិ​កូវីដ-១៩នេះ។ មិនត្រឹមការ​នាំចេញ​ផលិតផល​ឧស្សាហកម្ម​សរុបទេ ដែលមានការធ្លាក់ចុះ ចំពោះតម្លៃ​បរិមាណ​ផលិតផលសរុបបម្រើ​ទីផ្សារ​ក្នុងស្រុក​ក៏មាន​ការថយចុះ​ដូចគ្នា គឺមានចំនួ​នប្រមាណ​៣ពាន់លាន ថយចុះ​ជិត ១២% បើធៀបនឹងឆ្នាំ២០១៩។

របាយការណ៍បាន​បង្ហាញ​ទៀតថា រោងចក្រ​បង្កើតថ្មី​មានចំនួន ២៣៥រោងចក្រ ស្ថិតនៅ​ក្នុង​រាជធានីខេត្ត​ចំនួន១៦ មានការថយ​ចុះ​ជាង ១២% ខណៈដែលរោងចក្រ​បិទទ្វារ​លែងដំណើរការ​មានដល់​ទៅជាង ១០១រោងចក្រ កើនឡើងជាង​៥០% បើធៀប​នឹង​ឆ្នាំ២០១៩។ បែបនេះក្តី បើគិត​ពីចំនួន​រោងចក្រ​សរុប ដែលនៅ​ដំណើរការ​ជាធម្មតា មានជាង​១.៨០០រោងចក្រ កើនឡើងជិត៨% នៅគ្រា​ដែលទុនវិនិយោគ​មានចំនួន​ជាង ១៣ពាន់លានដុល្លារ កើនឡើងជិត ១០% បើធៀបនឹងឆ្នាំ២០១៩ ៕