កន្លងមក ក៏ដូចជាបច្ចុប្បន្នប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានដាក់ចេញយុទ្ធសាស្ត្រចាក់វ៉ាក់សាំងនេះឱ្យបានលឿន តាមដែលអាចធ្វើទៅបានជូនដល់ប្រជាពលរដ្ឋរបស់ខ្លួន។ ទន្ទឹមនឹងនេះរាជរដ្ឋាភិបាលស្វះស្វែងរកវ៉ាក់សាំង ហើយបាននាំមកដល់នូវវ៉ាក់សាំងជាបន្តបន្ទាប់សម្រាប់ចាក់ជូនប្រជាពលរដ្ឋរបស់ខ្លួន។ ប្រមុខរាជរដ្ឋាភិបាល បានដាក់ចេញផែនការចាក់វ៉ាក់សាំងជូនប្រជាពលរដ្ឋអាយុចាប់ពី ១៨ឆ្នាំឡើងទៅ ប្រមាណ១៣លាននាក់ ត្រូវនឹងវ៉ាក់សាំងប្រមាណ ២៦លានដូស។ កម្ពុជានឹងសម្រេចការចាក់វ៉ាក់សាំង ជូនប្រជាពលរដ្ឋចំនួន ១០លាននាក់ នៅក្នុងឆ្នាំ២០២១នេះ ឬយ៉ាងយូរបំផុតនៅដើមឆ្នាំ២០២២។គិតមកត្រឹមថ្ងៃទី១៣ ខែកក្កដា ឆ្នាំ ២០២១នេះ កម្ពុជាមានវ៉ាក់សាំងចំនួនជាង ១៦លានដូសរួចហើយ សម្រាប់ចាក់ជូនប្រជាពលរដ្ឋ ក្នុងនោះ៖
• ជំនួយរបស់រដ្ឋាភិបាលចិនផ្តល់ជូនកម្ពុជា (ស៊ីណូហ្វាម) ចំនួន ២លាន២សែនដូស
• ជំនួយពីមជ្ឈមណ្ឌល COVAX (CoviShield) ចំនួន ៣២ម៉ឺន៤ពាន់ដូស
• ការបញ្ជាទិញរបស់រាជរដ្ឋាភិបាលរួមមាន ស៊ីណូវ៉ាក់ ចំនួន ១០លាន៥សែនដូស និងស៊ីណូហ្វាម ចំនួន ៣លានដូស។
សូមបញ្ជាក់ថា ក្នុងខែកក្កដា ឆ្នាំ ២០២១នេះ កម្ពុជានឹងទទួលវ៉ាក់សាំងការពារជំងឺកូវីដ-១៩ សរុបចំនួន ៦លានដូស ជាបន្តបន្ទាប់មានដូចខាងក្រោម៖
អត្ថបទគួរចាប់អារម្មណ៏
• នៅថ្ងៃទី ៦ ខែកក្កដា ឆ្នាំ ២០២១
វ៉ាក់សាំងបង្ការជំងឺកូវីដ-១៩ ស៊ីណូហ្វាម មកដល់ចំនួន ១លានដូស
• ថ្ងៃទី ១០ ខែកក្កដា ឆ្នាំ ២០២១
វ៉ាក់សាំងបង្ការជំងឺកូវីដ-១៩ ចំនួន ៤លានដូស(ស៊ីណូហ្វាម) ចំនួន១លានដូស និង(ស៊ីណូវ៉ាក់) ចំនួន ៣លាន ដូស
• ពាក់កណ្ដាល ខែកក្កដា ឆ្នាំ ២០២១
វ៉ាក់សាំងបង្ការជំងឺកូវីដ-១៩ (ស៊ីណូហ្វាម) មកដល់ចំនួន ១លានដូស។
នៅថ្ងៃទី ១៣ ខែកក្កដា ឆ្នាំ២០២១នេះដែរ ជប៉ុនក៏ទើបតែប្រកាសផ្ដល់ជំនួយវ៉ាក់សាំង AstraZeneca ចំនួន១លានដូសមកឲ្យកម្ពុជា ដោយវ៉ាក់សាំងនេះ នឹងដឹកមកដល់តាមរយៈកូវ៉ាក់ក្នុងពេលឆាប់ៗនេះ។ នេះបើតាមការអះអាងពីស្ថានទូតជប៉ុនប្រចាំកម្ពុជា៕
ប្រភព៖ អគ្គនាយកដ្ឋានទូរទស្សន៍ជាតិកម្ពុជា
អត្ថបទ៖ ហួន ស្រីនីត
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
