ការផលិតអំបិល

មន្ត្រីជំនាញ៖ ទិន្នផលអំបិលឆ្នាំនេះមានការធ្លាក់ចុះ តែអាចប្រើគ្រប់ដោយមិនចាំបាច់នាំចូលនោះទេ!


មន្ត្រីជាន់ខ្ពស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍បានបង្ហាញពីទិន្នផលអំបិលធ្នាក់ចុះប្រមាណជាង១០% នៅឆ្នាំ២០២១ បើធៀបនឹងឆ្នាំ២០២០។ ទោះបីយ៉ាងនេះក្តី មន្ត្រីក្រសួងឧស្សាហកម្មរូបនេះបានអះអាងថា តាមរយៈទិន្នផលផលិតបាននៅក្នុងឆ្នាំនេះ គួបផ្សំនឹងអំបិលដែលនៅសល់ក្នុងស្ដុកខ្លះផងនោះ កម្ពុជាអាចផ្គត់ផ្គង់ទៅតាមតម្រូវការប្រើប្រាស់ក្នុងស្រុកបានគ្រប់គ្រាន់ ដោយមិនបាច់នាំចូលអំបិលពីក្រៅប្រទេសនៅនោះទេ។
ក្រសួងឧស្សាហកម្ម៖ អំបិល៨,៨ម៉ឺនតោនត្រូវបានផលិតនៅ៤ខែឆ្នាំនេះ និងអាចប្រើគ្រប់គ្រាន់ដោយមិនចាំបាច់នាំចូល(រួបភាព ពីក្រសួងឧស្សាហកម្ម)
ដោយ
អំពី អំបិល 25

លោក ហួន សុរង្សី ប្រធាននាយកដ្ឋានកិច្ចការសិប្បកម្ម នៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍បានបញ្ជាក់ថា ទិន្នផលអំបិលឆ្នាំនេះប្រមូលបានសរុបជិត ៨ម៉ឺនតោន ធ្លាក់ជាង១០ភាគរយបើធៀបនឹងឆ្នាំ២០២០ ដែលមានរហូតដល់ជាង៩ម៉ឺនតោន។ ការធ្លាក់ចុះនេះដោយសារកត្តាអាកាសធាតុ និង កង្វះកម្លាំងពលកម្មជាដើម។

ទោះបីទិន្នផលអំបិលនៅឆ្នាំនេះ មានការធ្លាក់ចុះ តែមន្ត្រីជាន់ខ្ពស់រូបនេះអះអាងថា កម្ពុជាអាចមានលទ្ធភាពគ្រប់គ្រាន់ក្នុងការផ្គត់ផ្គង់តម្រូវការអំបិលក្នុងស្រុក ដោយមិនចាំបាច់នាំចូលពីបរទេស។ គិតត្រឹមខែមិថុនា ឆ្នាំ២០២១ នេះ កម្ពុជានៅសល់អំបិលក្នុងស្តុកប្រមាណជាង៥ម៉ឺនតោនទៀត ដែលអាចផ្គត់ផ្គង់តម្រូវការរហូតដល់ចុងឆ្នាំ២០២១។ 

ចំពោះតម្លៃអំបិលនៅឆ្នាំនេះវិញ ត្រូវបានមន្ត្រីក្រសួងឧស្សាហកម្មអះអាងថា មានតម្លៃចន្លោះពី១៧ម៉ឺនរៀលទៅ២២ម៉ឺនរៀលក្នុង១តោន ពោលគឺប្រហាក់ប្រហែលនឹងឆ្នាំ២០២០ដែរ។

ជាមួយគ្នានេះលោក ប៊ុន យោង ប្រធានមន្ទីរឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ខេត្តកែបបានកត់សម្គាល់ឃើញថា ភ្លៀងធ្លាក់ញឹកញាប់ និងកង្វះកម្លាំងពលកម្មបានបង្កជាបញ្ហា និងធ្វើឲ្យមានការរាំងស្ទះដល់ដំណើរការផលិតអំបិលរបស់កសិករនៅខេត្តកែបឆ្នាំនេះ។ បើតាមទិន្នន័យ ដែលផ្តល់ដោយលោក ប៊ុន យោង ការផលិតអំបិលនៅខេត្តកែបឆ្នាំនេះ សម្រេចបានជាង១ម៉ឺន១រយតោន ធ្លាក់ចុះជាង២០ភាគរយបើធៀបនឹងឆ្នាំមុន ដែលមានជាង១ម៉ឺន២ពាន់តោន។

បើតាមការវាយតម្លៃរបស់អ្នកជំនាញ កម្ពុជាមានតម្រូវការប្រើប្រាស់អំបិលប្រមាណ៨ម៉ឺនតោនក្នុង១ឆ្នាំ។ ដូច្នេះបើតាមតួលេខខាងលើ កម្ពុជា ទំនងជាអាចផ្គត់ផ្គង់ការប្រើប្រាស់អំបិលក្នុងស្រុកបានគ្រប់គ្រាន់នៅឆ្នាំនេះ។ សូមបញ្ជាក់ថា កម្ពុជាមានផ្ទៃដីផលិតអំបិលជិង៥ពាន់ហិកតានៅក្នុងខេត្តកំពត និងកែប ដោយក្នុង១ហិកតាអាចផលិតអំបិលបានប្រហែល២០តោន ប្រសិនបើអំណោយផលពីអាកាសធាតុ និងមានកម្លាំងពលកម្មគ្រប់គ្រាន់៕

© 2021 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


វិទ្យាស្ថានពាណិជ្ជសាស្ត្រអេស៊ីលីដា(AIB) ចាប់ដៃគ្នាជាមួយវិទ្យាស្ថានបច្ចេកវិទ្យាគីរីរម្យ (KIT) ពង្រីកចំណេះដឹងផ្នែកបច្ចេកវិទ្យា ហិរញ្ញវត្ថុនៅកម្ពុជា

ព័ត៌មាន
វិទ្យាស្ថានពាណិជ្ជសាស្ត្រអេស៊ីលីដា(AIB) ដែលជាបុត្រសម្ព័ន្ធរបស់ធនាគារអេស៊ីលីដា ដែលជាធនាគារឈានមុខគេនៅកម្ពុជា បានសហការគ្នាជាមួយវិទ្យាស្ថា...

សហគមន៍អ្នកចិញ្ចឹមគ្រំចំពុះទានៅកោះកុង ទទូចស្វែងរកទីផ្សារក្នុងស្រុក ខណៈបច្ចុប្បន្នពឹងខ្លាំងលើទីផ្សារថៃ និង វៀតណាម

ព័ត៌មាន
គ្រំចំពុះទា ត្រូវបានចិញ្ចឹម ដោយប្រជាសហគមន៍ពាមក្រសោបប្រមាណ ១១៥គ្រួសារ នៅខេត្តកោះកុង ដោយក្នុងមួយឆ្នាំៗអាចប្រមូលផលបានជាង៣ពាន់តោន ហើយតម្លៃ...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ