ឯកឧត្តម ហ៊ុន ម៉ាណែត បានសរសេរលើបណ្ដាញទំព័រហ្វេសប៊ុកផ្លូវការរបស់លោក ដោយបានអំពាវនាវដល់ពលរដ្ឋខ្មែរ ឲ្យត្រៀមលក្ខណៈចូលរួមជាមួយរដ្ឋាភិបាលអនុវត្តវិធានការសុខាភិបាល និងទទួលចាក់ថ្នាំបង្ការទៅតាមដំណាក់កាលនីមួយៗ តាមផែនការលទ្ធភាពរបស់រាជរដ្ឋាភិបាល។
ការចាក់វ៉ាក់សាំងកូវីដ-១៩ គឺធ្វើឡើងតាមគោលការណ៍ស្ម័គ្រចិត្ត ដោយមានទីតាំងចំនួន៤ រួមមាន៖
១៖ មន្ទីរពេទ្យកាល់ម៉ែត សម្រាប់ឥស្សរជនជាទេសរដ្ឋមន្ត្រី រដ្ឋមន្ត្រី រដ្ឋលេខាធិការ ឬមានឋានៈស្មើ
២៖ មន្ទីរពេទ្យព្រះអង្គឌួង សម្រាប់ឥស្សរជន ជាអនុរដ្ឋលេខាធិការ ឬមានឋានៈស្មើ
៣៖ មន្ទីរពេទ្យមិត្តភាពខ្មែរ-សូវៀត សម្រាប់ឥស្សរជនជាអភិបាលនៃគណៈអភិបាលរាជធានី-ខេត្ត
៤៖ មន្ទីរពេទ្យកុមារជាតិ សម្រាប់អ្នកសារព័ត៌មាន។
អត្ថបទទាក់ទង!
ក្រៅតែ ឯកឧត្តម ហ៊ុន ម៉ាណែត ក៏មានកូនបង្កើត និងកូនប្រសាររបស់សម្តេច ហ៊ុន សែន មួយចំនួនទៀត ក៏បានទទួលការចាក់វ៉ាក់សាំងនេះដែរ ដូចជា ឯកឧត្តម ហ៊ុន ម៉ានិត, ឯកឧត្តម ហ៊ុន ម៉ានី និងឯកឧត្តម សុខ ពុទ្ធិវុធ រួមជាមួយឥស្សរជនជាច្រើនទៀត។
សូមបញ្ជាក់ថា វ៉ាក់សាំប្រឆាំងកូវីដ-១៩ Sinopharm ដែលជាជំនួយរបស់ចិន ៦០ម៉ឺនដូសនេះ គឺជាការបញ្ជូនមកក្នុងដំណាក់កាលដំបូងប៉ុណ្ណោះ នៃចំនួន ១លានដូសដែលចិនសន្យាផ្ដល់ជូនកម្ពុជា។ ក្រៅតែពីវ៉ាក់សាំងចិន កម្ពុជានឹងទទួលបានជំនួយវ៉ាក់សាំងពីប្រទេសឥណ្ឌា និងគ្រោងទិញបន្ថែមពីអង់គ្លេសផងដែរ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
