បើតាមឯកឧត្តម ហេង សួរ បានបញ្ជាក់ថា កាថយចុះនេះបណ្តាលមកពី ភាពប្រហាក់ប្រហែលគ្នានៃប្រាក់បៀវត្សន៍របស់កម្មករនិយោជិក ជាមួយប្រទេសជិតខាង ក៏ដូចជាភាពសម្បូរបែននៃការងារ ដោយសារមានការវិនិយោគនៅក្នុងប្រទេសច្រើន។
ឯកឧត្តម ហេង សួរ មានប្រសាសន៍ថា «ជាក់ស្តែងបើសិនជាប្រៀបធៀបជាមួយទីផ្សារម៉ាឡេស៊ីវិញ ឥឡូវនេះភាគតិចណាស់ដែលបងប្អូនយើងចង់ទៅធ្វើការនៅទីនោះ ដោយសាររូបិយបណ្ណរបស់ប្រទេសនោះ ហាក់ចុះថោកបើប្រៀបធៀបនឹងដុល្លារ ធ្វើឲ្យនៅប្រទេសមួយចំនួន លែងមានភាពទាក់ទាញ។ ហើយម្យ៉ាងការងារក៏កាន់តែសម្បូរបែបនៅប្រទេសយើង ក្នុងនោះសម្រាប់អ្នកដែលចង់ធ្វើការនៅក្នុងវិស័យកសិកម្មក៏មិនលំបាកប៉ុន្មានដែរ ដោយសារតែវិស័យកសិកម្មរបស់យើងឥឡូវនេះ ក៏មានការវិនិយោគជាលក្ខណៈបែបឧស្សាហកម្ម មិនមែនជាកសិកម្មដែលធ្វើជាលក្ខណៈគ្រួសារអីនោះដែរ»។
អត្ថបទគួរអាន
គូសបញ្ជាក់ថា ចំនួនពលករដែលស្នាក់នៅ និងធ្វើការនៅក្រៅប្រទេស នៅក្នុងឆ្នាំ២០១៩កន្លងទៅ មាន ១,២ លាននាក់ មានការកើនឡើងបើប្រៀបធៀបនឹងឆ្នាំ២០១៨ ប្រមាណជាង៥០ពាន់នាក់។ ហើយប្រាក់បញ្ញើរដែលសល់ពីការវាយនៅក្នុងក្រៅប្រទេសដែលពលករបានផ្ញើមកក្រុមគ្រួសារមានប្រមាណ ជា ២.៨០០ លានដុល្លារអាមេរិកក្នុងមួយឆ្នាំ ហើយពលករខ្មែរនៅប្រទេសថៃមានចំនួនច្រើនជាងគេ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
