ធនាគារ និង ហិរញ្ញវត្ថុ

ធនាគារ កាណាឌីយ៉ា ក.អ. ចុះកិច្ចព្រមព្រៀង​ភាពជាដៃគូ ជាមួយ​នឹង​សាជីវកម្ម​ធានា​ឥណទាន​កម្ពុជា


នៅថ្ងៃទី ០៩ ខែមិថុនា ឆ្នាំ២០២១ ធនាគារ កាណាឌីយ៉ា ក.អ. និងសាជីវកម្មធានាឥណទានកម្ពុជា បានប្រារព្ធពិធីចុះហត្ថលេខាស្តីពីកិច្ចព្រមព្រៀងភាពជាដៃគូ ។
ដោយ
លោក Raymond Sia (ខាង​ឆ្វេង) និង លោក Wong Keet Loong ផ្លាស់ប្ដូរ​ឯកសារ​កិច្ច​ព្រមព្រៀង​ភាព​ជាដៃគូ​ ជាមួយគ្នា ។

កិច្ចព្រមព្រៀងភាពជាដៃគូនេះ នឹងអនុញ្ញាតឲ្យធនាគារ កាណាឌីយ៉ា ចូលរួមក្នុង​«គម្រោងធានាឥណទាន ដើម្បីស្តារអាជីវកម្ម (BRGS)» ដែលបង្កើតឡើងដើម្បីគាំទ្រអាជីវកម្ម ទាំងអាជីវកម្មខ្នាតមីក្រូ ខ្នាតតូចនិងមធ្យម និងអាជីវកម្មខ្នាតធំ ក្នុងការពង្រីកលទ្ធភាពទទួលបានហិរញ្ញប្បទាន សម្រាប់ការកៀរគរទុនបង្វិល, វិនិយោគ, និងការពង្រីកជីវកម្ម។ BRGS នឹងដើរតួជាទ្រព្យបញ្ចាំចាប់ពី ៧០% ដល់ ៨០% នៃទំហំបកម្ចីដែលផ្តល់ដោយ គ្រឹះស្ថានហិរញ្ញវត្ថុចូលរួម (PFIs)។ 

លោក Raymond Sia នាយកប្រតិបត្តិរបស់ធនាគារ កាណាឌីយ៉ា បានមានប្រសាសន៍ក្នុង​សុន្ទរកថា​បើក​របស់​លោក​ថា ‘’ការចូលរួមរបស់ធនាគារ កាណាឌីយ៉ា ក្នុងគម្រោងទី១របស់ សាជីវកម្មធានាឥណទានកម្ពុជា ជាសក្ខីកម្មមួយទៀតដែលបញ្ជាក់ពីការគាំទ្រ របស់ធនាគារ កាណាឌីយ៉ា ទៅលើ អតិថិជនយើង និងសមាគមន៍យើង។ ធនាគារ កាណាឌីយ៉ា ពិតជាមានកតិ្តយស ដែលបានក្លាយជាធនាគារ ដៃគូទី១ ដែលបានចុះហត្ថលេខាជាផ្លូវការលើកិច្ចព្រមព្រៀងភាពជាដៃគូ ជាមួយសាជីវកម្មធានាឥណទានកម្ពុជា ដើម្បីពង្រឹងនិងពង្រីកការទទួលបានហិរញ្ញប្បទាន ក្នុងសហគមន៍អាជីវកម្ម ដែលស្របជាមួយគម្រោងធានា ឥណទាន ដើម្បីស្តារអាជីវកម្ម (BRGS) របស់់សាជីវកម្មធានាឥណទានកម្ពុជា។ នេះឆ្លុះបញ្ចាំងពីការប្តេជ្ញាចិត្ត របស់យើងក្នុងការពង្រីកនិងគាំទ្រ ទាំងសហគ្រាសធុនតូចនិងមធ្យម ក៏ដូចជាសហគ្រាសធុនធំ នៅកម្ពុជា។‘’

លោក Raymond Sia (ខាង​ឆ្វេង) និង លោក Wong Keet Loong ចុះហត្ថលេខា​លើ​កិច្ច​ព្រមព្រៀង​ភាព​ជាដៃគូ​ ។
លោក Raymond Sia (ខាងឆ្វេង), អមដោយ​លោកស្រី សុង ខេងឡាយ (រូបកណ្ដាល) និង​លោក សុង គឹមហុង, ថ្លែង​សុន្ទរកថាទៅកាន់​អង្គពិធី ។

យោងតាម លោកស្រី សុង ខេងឡាយ អគ្គនាយិការង និងជានាយកាប្រតិបត្តិការនៃធនាគារ កាណាឌីយ៉ា គម្រោងមួយនេះ អនុញ្ញាតឲ្យម្ចាស់សហគ្រាសធុនតូច និងមធ្យម ក៏ដូចជា សហគ្រាសធុនធំ​អាចទទួលបានហិរញ្ញប្បទាន ពីធនាគារ កាណាឌីយ៉ា ជាមួយនឹងទ្រព្យធានាដែលពួកគាត់មានស្រាប់ និងមិនចាំត្រូវការទ្រព្យធានាបន្ថែម ដែលស្របតាម នីតិវិធីវាយតម្លៃរបស់ធនាគារ។ 

គម្រោងនេះ គឺចាប់ផ្តើមពី ខែមីនា ឆ្នាំ២០២១ រហូតដល់ ខែធ្នូ ឆ្នាំ២០២២។ វិស័យអាទិភាព មានដូចជាវិស័យកសិកម្មនិងសេវាកម្ម នឹងមានតម្លៃធានាទាបជាងមុន ហើយអតិថិជនក្រុមហ៊ុនធំអាចដាក់ពាក្យស្នើសុំ ប្រាក់កម្ចី ក្រោមគម្រោង BRGS រហូតដល់ ១លាន ដុល្លារ។ រហូតមកដល់ពេលនេះ យើងអាជីវកម្មច្រើនជាង ៣៥ ដែលបានដាក់ពាក្យស្នើសុំ ឥណទានក្រោមគម្រោង BRGS  ដែលក្រុមហ៊ុនចំនួន ២ ត្រូវបានអនុម័តដោយ CGCC។

កិច្ច​ប្រជុំ​រវាងធនាគារ កាណាឌីយ៉ា និង​ CGCC

លោក Wong Keet Loong អគ្គនាយកប្រតិបត្តិរបស់សាជីវកម្មធានាឥណទានកម្ពុជា បានមានប្រសាសន៍ក្នង សុន្ទរកថាបើករបស់គាត់ថា ‘’សាជីវកម្មធានាឥណទានកម្ពុជា (ស.ធ.ក.) គឺជាសហគ្រាសសាធារណៈ ដែលស្ថិតនៅក្រោមអាណាព្យាបាលបច្ចេកទេស និងហិរញ្ញវត្ថុ របស់ក្រសួងសេដ្ឋកិច្ច និងហិរញ្ញវត្ថុ ហើយភាពជាដៃគូជាមួយធនាគារ កាណាឌីយ៉ា នឹងផ្តល់អត្ថប្រយោជន៍ដ៏សំខាន់ដល់ ស.ធ.ក. ក្នុងការផ្តល់សេវាធានាឥណទានទៅដល់​សហគ្រាសធុនតូចនិងមធ្យម នៅទូទាំងប្រទេស ដើម្បីគាំទ្រលើការស្នើសុំកម្ចី នៅពេលអាជីវកម្មទាំងនោះមិនមានទ្រព្យបញ្ចាំគ្រប់គ្រាន់។ ភាពជាដៃគូ ជាមួយធនាគារកាណាឌីយ៉ា ដែលជាធនាគារដ៏រឹងមាំ គឺជាសមិទ្ធិផលសំខាន់មួយរបស់ ស.ធ.ក ដើម្បីឈានទៅសម្រេចគោលដៅរបស់ខ្លួន។‘’

តំណាង​ធនាគារ កាណាឌីយ៉ា និង តំណាង CGCC ថតរូបអនុស្សាវរីយ៍ជាមួយគ្នា​ ។

ធនាគារ កាណាឌីយ៉ា គឺជាធនាគារពាណិជ្ជ ធំជាងគេមួយនៅក្នុងប្រទេសកម្ពុជា ដោយទំហំសមតុល្យ ដែលត្រូវបានទទួលស្គាល់ដោយ The Asian Banker ក្នុងពេលថ្មីៗនេះថាជា “ធនាគារខ្លាំងបំផុតនៅកម្ពុជា តាមតារាងតុល្យការ” និង “ធនាគារហិរញ្ញវត្ថុបុគ្គល ល្អបំផុតនៅកម្ពុជា”សម្រាប់ឆ្នាំ២០២១ ។

សម្រាប់ព័ត៌មានបន្ថែម សូមទំនាក់ទំនងមកកាន់ មជ្ឈមណ្ឌលបម្រើសេវាកម្មអតិថិជន ២៤/៧ តាមរយៈលេខ ០២៣ ៨៦៨ ២២២ ឬទំនាក់ទនងមកកាន់សាខាធនាគារ កាណាឌីយ៉ាដែលនៅជិតលោកអ្នកបំផុត ៕




អត្ថបទបន្ទាប់


ក្រុមមេដឹកនាំអឺរ៉ុបនិងអាមេរិកគ្រោងបញ្ចប់ជម្លោះពន្ធគយ និងអំពាវនាវឲ្យមានការសិក្សាជាថ្មីអំពីប្រភពដើមនៃជំងឺកូវីដ-១៩

ព័ត៌មាន
ក្រុមមេដឹកនាំសហភាពអឺរ៉ុប និងអាមេរិក មានផែនការនឹងប្ដេជ្ញាចិត្តនៅក្នុងកិច្ចប្រជុំកំពូលមួយនៅទីក្រុងប្រ៊ុចសែលនៅសប្ដាហ៍ក្រោយនេះ ដើម្បីក្នុងន...

តើតម្លៃដីធ្លីនៅក្បែរគម្រោងអភិវឌ្ឍន៍ព្រលានយន្ដហោះភ្នំពេញថ្មី ប្រែប្រួលយ៉ាងណាដែរ?

ព័ត៌មាន
គេនៅចាំបានថាក្រោយពីគម្រោងអាកាសយានដ្ឋានអន្តរជាតិភ្នំពេញថ្មីប្រកាសសាងសង់ ការទិញដីធ្លីនៅតំបន់ជុំវិញគម្រោងនេះក៏មានស្ទុះកើនឡើងយ៉ាងខ្លាំង ប...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ