ផ្លូវរថភ្លើងក្រោមរូងភ្នំនេះ ត្រូវបានសាងសង់ឡើង បន្ទាប់ពីធ្វើការសិក្សាស្រាវជ្រាវ និងពិភាក្សាយ៉ាងល្អិតល្អន់ដោយក្រុមអ្នកជំនាញ ដើម្បីដោះស្រាយបញ្ហាភូមិសាស្រ្តដ៏មានភាពស្មុគស្មាញ និងមានហានិភ័យខ្ពស់។
អ្នកដឹកនាំគម្រោងនៃ ក្រុមវិស្វកម្មផ្លូវដែកចិន បានគូសបញ្ជាក់ថា ផ្លូវរថភ្លើងនេះ នឹងដើរតួនាទីយ៉ាងសំខាន់ និងជាមូលដ្ឋានគ្រឹះ ក្នុងការគាំទ្រដល់ខ្សែរថភ្លើងទាំងស្រុង ដែលមានប្រវែងជាង ៥០០គីឡូម៉ែត្រ ហើយនៅពេលដែលគម្រោងនេះបញ្ចប់ រថភ្លើង នឹងអាចបើកបរក្នុងល្បឿន ១៦០គីឡូម៉ែត្រក្នុងមួយម៉ោង។
លោកបន្តថា នៅពេលដែលខ្សែរថភ្លើងនេះបើកដំណើរការ ប្រជាជនក្នុងខេត្តយូណាន ប្រទេសចិន នឹងចំណាយពេលធ្វើដំណើរត្រឹមតែ ៣ម៉ោងប៉ុណ្ណោះ ដើម្បីទៅកាន់ខេត្តជាប់ព្រំប្រទល់នឹងប្រទេសឡាវ។
អត្ថបទទាក់ទង!
គួរបញ្ជាក់ថា គម្រោងយុទ្ធសាស្រ្តផ្លូវដែករបស់ ប្រទេសឡាវ និងចិន គឺស្របទៅតាមគោលដៅរបស់ប្រទេសនីមួយៗ ហើយវាជាការបន្ស៊ីគ្នារវាង គម្រោងគំនិតផ្តួចផ្តើមខ្សែក្រវាត់ និងផ្លូវរបស់ ភាគីចិន និងយុទ្ធសាស្រ្តរបស់ភាគីឡាវ ក្នុងការប្រែក្លាយពី ប្រទេសឡាវដីគោកបិទជិត ទៅជា ប្រទេសមានផ្លូវឆ្លងកាត់ ហើយខ្សែរថភ្លើងនេះ ក៏គ្រោងនឹងដាក់ដំណើរការនៅក្នុងឆ្នាំ ២០២១ខាងមុខនេះដែរ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
