នៅក្នុងជំនួបរវាង លោក សាឡឹមជេ កុម៉ាសិទ្ធ រដ្ឋមន្រ្តីការបរទេសឡាវ និងលោក វ៉ាង យី រដ្ឋមន្រ្តីការបរទេសចិន នៅក្នុងទីក្រុងវៀងច័ន្ទ ភាគីចិន បានបញ្ជាក់សារជាថ្មី អំពី ការគាំទ្ររបស់ចិន សម្រាប់ការប្រយុទ្ធប្រឆាំងនឹងមេរោគកូវីដ១៩ និងបានថ្លែងអំណរគុណដល់ ភាគីឡាវ ដែលបានជួយសម្របសម្រួលដល់ការប្រយុទ្ធប្រឆំាងនឹងមេរោគកូវីដ១៩ កាលពីពេលផ្ទុះឡើងជាលើកដំបូង។
ដោយឡែក ភាគីឡាវ នឹងធ្វើការជាមួយចិន ដើម្បីសាងសង់សហគមន៍រួមគ្នា ហើយនឹងបន្តជំរុញគម្រោងសហប្រតិបត្តិការសំខាន់ៗបន្ថែមទៀត ជាពិសេស គឺគាំទ្រដល់ ការផ្សាភ្ជាប់ទំនាក់ទំនងរបស់ប្រទេសចិន ជាមួយនឹងអាស៊ានឲ្យកាន់តែខ្លាំងក្លា។
អត្ថបទទាក់ទង
ជាចុងក្រោយ ភាគីទាំង ២ ក៏បានយល់ព្រមជំរុញកិច្ចសហប្រតិបត្តិការទ្វេភាគី នៅក្នុងវិស័យសេដ្ឋកិច្ច ក្រោមគំនិតផ្តួចផ្តើមខ្សែក្រវាត់ និងផ្លូវ និងបង្កើតសហគមន៍រួមគ្នា ដើម្បីការអភិវឌ្ឍជាតិនៃប្រទេសទាំងពីរ ជាពិសេស គឺមានការលើកលែងពន្ធពិសេស សម្រាប់ទំនិញ ៩៧% នៃមុខទំនិញជាប់ពន្ធ នាំចូលមកពីប្រទេសឡាវ មកកាន់ចិន និងការនាំចូលទំនិញកសិកម្មជាច្រើនបន្ថែមទៀតមកកាន់ប្រទេសចិន៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
