នៅសល់តែប្រហែល១សប្ដាហ៍ទៀតប៉ុណ្ណោះ នឹងដល់ថ្ងៃប្រារព្ធពិធីបុណ្យចូលឆ្នាំប្រពៃណីចិន-វៀតណាមហើយ ខណៈពិធីបុណ្យចូលឆ្នាំចិន-វៀតណាម គឺជាថ្ងៃឈប់សម្រាករយៈពេលវែង និងមានការធ្វើដំណើរដ៏ច្រើនបំផុតរបស់ប្រជាពលរដ្ឋចិន និងវៀតណាម តួយ៉ាង កម្មករនៅក្នុងប្រទេសចិនបានធ្វើឱ្យមានការធ្វើដំណើរច្រើនជាងមួយពាន់ជើងក្នុងឆ្នាំអំឡុងពេលថ្ងៃឈប់សម្រាកនេះ ខណៈនៅប្រទេសវៀតណាមវិញ ក៏មានការធ្វើដំណើរច្រើនដែរ ប៉ុន្ដែ អ្វីដែលចាប់អារម្មណ៍នោះ គឺជារៀងរាល់ឆ្នាំមានកម្មករវៀតណាមរាប់ពាន់នាក់បានធ្វើដំណើរទៅស្រុកកំណើតហើយ ប៉ុន្ដែ មិនបានត្រឡប់មកចូលធ្វើការវិញនោះទេ។
ទន្ទឹមនឹងមានការកើតឡើងករណីឆ្លង និងការលេចឡើងនៃឆ្លងមេរោគអូមីក្រុងដែលអាចចម្លងបានលឿនរហ័សនោះ បានជំរុញឱ្យរដ្ឋាភិបាល និងក្រុមហ៊ុនក្នុងប្រទេសចិន និងវៀតណាមន ជំរុញឱ្យកម្មករ ស្នាក់នៅមួយកន្លែង ដោយគួរធ្វើដំណើរនោះទេចាប់ពីថ្ងៃទី ៣១ ខែមករា ដល់ថ្ងៃទី ៦ ខែកុម្ភៈ។
ក្នុងនោះ ប្រទេសចិនបានចាត់វិធានការតឹងរ៉ឹងរួចហើយ ចំពោះអ្នកដែលធ្វើដំណើរត្រលប់មកផ្ទះវិញដោយប្រហុយប្រថាននៅថ្ងៃបុណ្យចូលឆ្នាំចិន ដែលអាចនឹងត្រូវដាក់ឱ្យធ្វើចត្តាឡីស័ក ឬឈានដល់ចាប់ឃុំឃាំងទៀតផង។ ទន្ទឹមនេះ រដ្ឋាភិបាលក្នុងតំបន់កំពុងធ្វើការងារឆ្លើយតបនឹងតម្រូវការដូចជាការធ្វើចត្តាឡីស័ករយៈពេល ១៤ ថ្ងៃឬ ៧ថ្ងៃ និងការធ្វើតេស្ត PCR ជាដើម។
អត្ថបទគួរអាន
ដោយឡែក ប្រទេសវៀតណាមវិញ រហូតមកដល់ពេលនេះ ធៀបនឹងប្រទេសចិន គឺមិនមានការចាត់វិធានការតឹងរ៉ឹងខ្លាំងនោះទេ ប៉ុន្ដែ វៀតណាមក៏ត្រូវបានគេចាត់ទុកថា គឺជាប្រទេសមួយ ដែលមានការដាក់ចេញវិធានការតឹងរ៉ឹងមួយដែរ ក្នុងការឆ្លើយតបទប់ទល់នឹងកូវីដ១៩។ ជាក់ស្ដែង កាលពីឆ្នាំមុនេះ ប្រទេសក្បែរខាងកម្ពុជាមួយនេះ បានខិតខំខ្លាំងមែនទេ ដោយដៃប្រយុទ្ធជាមួយកូវីដ១៩ និងដៃម្ខាងទៀតខិតខំរក្សាចរន្ដសេដ្ឋកិច្ចឲ្យនៅដើរ ពោលដើម្បីបន្តដំណើរការរោងចក្រក្នុងអំឡុងពេលរលកឆ្លងកូវីដ១៩ដ៏អាក្រក់បំផុតរបស់ខ្លួនកាលពីឆ្នាំមុន វៀតណាមក៏បានតម្រូវឲ្យកម្មករជាច្រើនត្រូវស្នាក់នៅក្នុងរោងចក្រ ដើម្បីធ្វើការផងដែរ។
សូមជម្រាបថា ការប៉ាន់ប្រមាណចុងក្រោយរបស់ក្រសួងដឹកជញ្ជូនចិនបានឱ្យដឹងថា ការធ្វើដំណើរមានចំនួនជិត១ ពាន់២រយលានជើង ដែលនឹងត្រូវបានធ្វើឡើងក្នុងអំឡុងថ្ងៃឈប់សម្រាកចូលឆ្នាំចិន-វៀតណាមឆ្នាំនេះ កើនឡើងជាង ៣៥% ពីឆ្នាំ ២០២១៕
អត្ថបទ ស៊ើង និមល់
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
