ការផាកពិន័យនេះដែរ ត្រូវបានប៉ាន់ប្រមាណថា គឺមានប្រហែល ៤% នៃប្រាក់ចំណូលរបស់ក្រុមហ៊ុន Alibaba កាលពីឆ្នាំ២០១៩ ហើយការពិន័យនេះបានកើនឡើង នៅចំពេលដែលដែលអាជ្ញាធរចិន នាប៉ុន្មានខែមុននេះ ក៏បានចេញមុខបានបង្ក្រាបជាបន្ដបន្ទាប់ទៅលើក្រុមហ៊ុនបច្ចេកវិទ្យាយក្សមួយនេះផងដែរ ដែលធ្វើឲ្យមហាសេដ្ឋី Jack Ma ដែលជាមេធំនៃក្រុមហ៊ុននេះ បានបាត់មុខ លែងបង្ហាញខ្លួនជាសាធារណៈអស់មួយរយៈ។
ការរឹតបន្ដឹងរបស់រដ្ឋាភិបាលចិន មកលើក្រុមហ៊ុនរបស់លោក Jack Ma ត្រូវបានគេមើលឃើញថា គឺធ្វើឡើងបន្ទាប់ពីលោក Jack Ma បានស្ដីបន្ទោសខ្លាំងៗទៅលើការគ្រប់គ្រងរបស់រដ្ឋាភិបាលចិន កាលពីចុងឆ្នាំ២០២០កន្លងទៅនេះ។
នៅចុងខែធ្នូ អាជ្ញាធរចិនបានប្រកាសថា ខ្លួនបានបើកការស៊ើបអង្កេតលើក្រុមហ៊ុន Alibaba ទាក់ទងនឹងការប្រឆាំងការប្រកួតប្រជែងមិនស្មើភាព។ ការបើកការស៊ើបអង្កេតនេះ កើតមានឡើង នៅក្រោយពេលដែលអាជ្ញាធរ បានហាមឃាត់ផែនការបោះផ្សាយលក់ភាគហ៊ុនតម្លៃ ៣៧ពាន់លានដុល្លារ របស់ក្រុមហ៊ុន Ant Group ដែលជាក្រុមហ៊ុនបុត្រសម្ព័ន្ធរបស់ Alibaba។
អត្ថបទទាក់ទង!
អាជ្ញាធចិនបានបញ្ជាក់នៅថ្ងៃទី ១០ ខែមេសាថា បន្ទាប់ពីមានការស៊ើបអង្កេតកាលពីខែធ្នូកន្លងទៅនេះ រដ្ឋាភិបាលបានរកឃើញ និងកំណត់ថា ក្រុមហ៊ុន Alibaba ពិតជាបានរំលោភបំពានលើឥទ្ធិពលទីផ្សារនៅក្នុងឆ្នាំ២០១៥ ដោយរារាំងពាណិជ្ជករ ដែលជាអ្នកលក់ទំនិញនៅគេហទំព័រ Alibaba មិនឲ្យប្រើប្រាស់គេហទំព័រ ឬវេទិកាពាណិជ្ជកម្មអនឡាញដទៃទៀត (Online e-commerce platforms) ដើម្បីលក់ផលិតផលរបស់ពួកគេ ក្រៅតែពីលក់ជាមួយ Alibaba នោះឡើយ។ ប្រការនេះ ត្រូវបានអាជ្ញាធរចិនបញ្ជាក់ថា វាជាការប្រឆាំងនឹងការរំលោភបំពានច្បាប់ស្ដីពីការរស៊ីផ្ដាច់មុខនៅក្នុងប្រទេសចិន។
ក្រុមហ៊ុន Alibaba បាននិយាយនៅក្នុងសេចក្ដីថ្លែងការណ៍របស់ខ្លួន ដោយបានបង្ហោះលើបណ្ដាញសង្គម Weibo ថា ក្រុមហ៊ុនបានទទួលយកការសម្រេចនេះ ហើយនឹងអនុវត្តយ៉ាងម៉ឺងម៉ាត់នូវសេក្ដីសម្រេចរបស់អាជ្ញាធរ។
ក្រុមហ៊ុនបច្ចេកវិទ្យាយក្សរបស់ចិនមួយនេះ ក៏បានបញ្ជាក់ថា ក្រុមហ៊ុននឹងនឹងធ្វើសន្និសីទព័ត៌មានបញ្ជាក់បន្ថែមទៀត ទាក់ទងនឹងសេចក្ដីសម្រេចផាកពិន័យនេះ នៅក្នុងថ្ងៃចន្ទ ទី១២ ខែមេសា ឆ្នាំ២០២១៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
