តើការនាំចេញស្រូវទៅវៀតណាមកើនឡើងខ្លាំងអាចប៉ះពាល់ដល់ការនាំចេញអង្ករកម្ពុជាដែរទេ?
ព័ត៌មាន
•
រដ្ឋមន្ត្រីក្រសួងកសិកម្មបានឲ្យដឹងថ្មីៗនេះថា កម្ពុជាសម្រេចបានការនាំចេញស្រូវទៅកាន់ប្រទេសវៀតណាមដល់ទៅជាង ១លានតោន នៅរយៈពេលត្រឹមតែប្រមាណ ៣ខែ ប៉…
លោក កាំង ម៉ូនីកា អគ្គលេខាធិការរងសមាគមរោងចក្រកាត់ដេរកម្ពុជាបានបញ្ជាក់ថា សមាគមរោងចក្រកាត់ដេរកម្ពុជា កំពុងធ្វើការយ៉ាងសកម្ម ជាមួយក្រសួងការងារ និងបណ្តុះបណ្តាលវិជ្ជាជីវៈ និងរោងចក្រនានា ក្នុងការរៀបចំនីតិវិធីដំណើរការចាក់វ៉ាក់សាំងកូវីដ-១៩ ដល់កម្មករកម្មការិនី ដោយគិតមកទល់ពេលនេះ មានគ្រូពេទ្យជាង៤០០នាក់ នៃរោងចក្រជាង៤០០រោងចក្រ ត្រូវបានបញ្ជូនឈ្មោះសម្រាប់ការបណ្ដុះបណ្ដាលការចាក់វ៉ាក់សាំងជូនកម្មករកម្មការិនី។ លោកកាំង ម៉ូនីកា បន្ថែមថា បច្ចុប្បន្នភាគីពាក់ព័ន្ធកំពុងពន្លឿនការងារនេះខ្លាំងណាស់ ដើម្បីអាចចាប់ផ្ដើមយុទ្ធនាការចាក់វ៉ាក់សាំងនេះ ប្រព្រឹត្តិទៅនៅដើមខែមេសាខាងមុខនេះ។
បើតាមសមាគមរោងចក្រកាត់ដេរកម្ពុជា បច្ចុប្បន្នរោងចក្រជាសមាជិករបស់សមាគមមានប្រមាណ៦០០រោងចក្រ ដោយមានកម្មករកម្មការិនីជាង៧៥ម៉ឺននាក់។
សូមបញ្ជាក់ថា មកទល់ពេលនេះកម្ពុជាបានទទួលវ៉ាក់សាំងកូវីដ-១៩ ជាង ២លាន៤សែនដូសហើយ បន្ទាប់ពីកម្ពុជាបញ្ជាទិញវ៉ាក់សាំងប្រភេទស៊ីណូវ៉ាក់ចំនួន ១លាន៥សែនដូសពីចិន ដែលបានដឹកមកកម្ពុជា កាលពីព្រឹកថ្ងៃទី២៦ ខែមីនា កន្លងទៅ។ បើគិតត្រឹមថ្ងៃទី២៨ ខែមីនា អ្នកចាក់វ៉ាក់សាំងកូវីដ-១៩ កើនឡើងដល់ជាង៣៧ម៉ឺននាក់ហើយ ខណៈ សម្តេចនាយករដ្ឋមន្ត្រី ហ៊ុន សែន ជំរុញឲ្យអាជ្ញាធររាជធានី-ខេត្តបើកយុទ្ធនាការចាក់វ៉ាក់សាំងដល់ពលរដ្ឋឲ្យបាន១លានដូសក្នុងរយៈពេល១ខែ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
