អ៊ែមមឺរឹត មានប្រតិបត្តិការហោះហើរទៅ ១៥៩ ទិសដៅនៅក្នុងប្រទេសចំនួន ៨៥ប្រទេស ជារៀងរាល់ថ្ងៃ។
តើអ្នកដឹងទេថា រយ:ពេលថ្មីៗនេះ អ៊ែមមឺរឹត កំពុងតែឡើងប្រជាប្រិយភាពមិនធម្មតាទេ។ ក្រុមហ៊ុននេះទទួលបានពានរង្វាន់ជាប់ៗគ្នាជាច្រើនគួរឲ្យកត់សម្គាល់។ ជាក់ស្តែង បន្ទាប់ពីការទទួលពានរង្វាន់ឆ្នើមចំនួន ៣ ក្នុងពិព័រណ៍អន្តរជាតិ APEX Asia ថ្មីៗនេះ អ៊ែមមឺរឹត ត្រូវបានជាប់ឈ្មោះជា ក្រុមហ៊ុនអាកាសចរណ៍ឆ្នើមប្រចាំឆ្នាំ ក្នុងពានរង្វាន់ការដឹកជញ្ជូនតាមយន្តហោះ ២០១៨។
គួររំលឹកដែរថា ពានរង្វាន់ដ៏ល្បីល្បាញមួយនេះត្រូវបានវាយតម្លៃពីគណៈវិនិច្ឆ័យរួមមាននាយកប្រតិបត្តិនិងអ្នកជំនាញមកពីវិស័យផ្សេងៗគ្នានៅក្នុងឧស្សាហកម្មអាកាសចរណ៍។
យន្តហោះរបស់ក្រុមហ៊ុន អាកាសចរណ៍ Emirates
តើអ្នកបានអានអត្ថបទនេះ ឬនៅ?
លោក Thierry Antinori អនុប្រធានប្រតិបត្តិ និងជាប្រធានផ្នែកពាណិជ្ជកម្មនៃក្រុមហ៊ុន អ៊ែមមឺរឹត ដែលជាអ្នកទទួលពានរង្វាន់ មានប្រសាសន៍ ថា «យើងមានកិត្តិយសណាស់ដែលក្រុមហ៊ុនទទួលបានពានរង្វាន់ដឹកជញ្ជូនតាមអាកាសនេះ នេះក៏ដោយសារតែការយកចិត្តទុកដាក់ខ្ពស់ ការច្នៃប្រឌិតផលិតផលនិងបង្កើនសេវាកម្មជាច្រើន ក្នុងការផ្តល់ជូននូវបទពិសោធន៍ដ៏ល្អបំផុត ទាំងនៅលើអាកាសនិងនៅលើដី សម្រាប់អតិថិជនទាំងអស់" ។
អ្នកដែលនិយមប្រើប្រាស់ការធ្វើដំណើរតាមយន្តហោះទាំងឡាយ គួរតែសាកល្បងប្រើប្រាស់សេវាកម្មហោះហើរដ៏ទំនើបរបស់ អ៊ែមមឺរឹត។ នារយ:ពេលចុងក្រោយនេះ អ៊ែមមឺរឹត បានបើកដំណើរការហោះហើរយន្តហោះប្រភេទ Boeing 777 និង ប្រភេទ A380 របស់ខ្លួន។ អ្វីដែលជាចំណុចគួរឲ្យចាប់អារម្មណ៍របស់យន្តហោះ A380 គឺរូបរាងនិងគុណភាពម៉ាស៊ីនត្រជាក់ថ្មី និងការរៀបចំកន្លែងអង្គុយដោយផ្អែកលើបទដ្ឋានបច្ចេកវិទ្យាខ្ពស់ទំនើបចុងក្រោយ។
អតិថិជនដែលធ្វើដំណើរតាមយន្តហោះ អ៊ែមមឺរឹត ទាំងអស់ នឹងទទួលបានបទពិសោធន៍ហោះហើរកាន់តែអស្ចារ្យ និងស៊ីវិល័យ។ ជាក់ស្តែងថ្មីៗនេះ ក្រុមហ៊ុនទើបតែកែច្នៃបន្ថែមនូវកន្លែងអង្គុយធំៗ ក្នុងការរៀបចំតាមស្តង់ដារ 2-2-2 នៅលើយន្តហោះប្រភេទ Boeing 777-200LR ។
អ៊ែមមឺរឹត ជាប់ជាក្រុមហ៊ុនអាកាសចរណ៍ឆ្នើមប្រចាំឆ្នាំនៃពានរង្វាន់ការដឹកជញ្ជូនតាមយន្តហោះ ២០១៨
ជាងនេះទៅទៀត អតិថិជនក៏អាចរីករាយនឹងការប្រើប្រាស់ប្រព័ន្ធកម្សាន្ដក្នុងយន្តហោះ ឈ្មោះ អាយស៍ (ice) ដែលមានផ្តល់ជូននៅគ្រប់យន្តហោះ អ៊ែមមឺរឹត។ ប្រព័ន្ធកម្សាន្ត អាយស៍ (ice) មានកម្មវិធីកម្សាន្តជាង 3500 ប៉ុស្ត៍ ក្នុងនោះរួមមាន ខ្សែភាពយន្តចំនួនជាង 700 រឿង។
ក្រុមហ៊ុនអាកាសចរណ៍ អ៊ែមមឺរឹត មិនត្រឹមតែព្យាយាមបម្រើសេវាកម្មដ៏ល្អឥតខ្ចោះនៅលើយន្តហោះនោះទេ ប៉ុន្តែ ក្រុមហ៊ុនក៏មិនភ្លេចដែរនូវការបម្រើយ៉ាងដិតដល់ចំពោះអតិថិជន នៅមុននិងក្រោយពេលធ្វើដំណើរ។ ក្រុមហ៊ុនបានពង្រីកបណ្តាញរបស់ខ្លួន ដែលសព្វថ្ងៃនេះមានប្រតិបត្តិការ 41 កន្លែងនៅទូទាំងពិភពលោក។
ក្រុមហ៊ុននិងដៃគូសហការរបស់ខ្លួន បានបង្កើតការអនុវត្តបច្ចេកវិទ្យាជីវមាត្រនិងច្រកទ្វារត្រួតពិនិត្យស្វ័យប្រវត្តិថ្មីសម្រាប់អ្នកដំណើរដែលឆ្លងកាត់ចំណុចសំខាន់ៗនៅអាកាសយានដ្ឋានអន្តរជាតិ ឌូបៃ។
គួររំឭកផងដែរថា ពានរង្វាន់ដឹកជញ្ជូនតាមអាកាស ត្រូវបានធ្វើឡើងជារៀងរាល់ឆ្នាំ ដោយមានរាប់បញ្ចូលគ្រប់ប្រភេទនៃឧស្សាហកម្មដឹកជញ្ជូនផ្លូវអាកាសទាំងអស់៕
