ការទទួលស្គាល់បរាជ័យនេះ ធ្វើឡើងនៅលើបណ្តាញសង្គម Twitter ក្នុងការឆ្លើយតបទៅនឹងការចុះផ្សាយមួយ នៅលើបណ្ដាញសង្គម របស់ Fox News ។ លោក ត្រាំ បានសរសេរថា “គាត់ [បៃដិន] បានឈ្នះ ដោយសារតែការបោះឆ្នោតត្រូវបានគេបន្លំ ។” ដែលការចោទប្រកាន់នេះត្រូវបានច្រានចោលដោយមន្រ្តីបោះឆ្នោតនៅទូទាំងប្រទេស ។
ការទទួលស្គាល់ជ័យជំនះរបស់លោក បៃដិន ពីសំណាក់លោក ត្រាំ នេះ កើតឡើង នៅខណៈដែលសូម្បីតែលោកប្រធានាធិបតី ត្រាំ ខ្លួនឯង នៅតែអះអាងដោយមិនពិតថា ការបោះឆ្នោតត្រូវបានគេបន្លំសន្លឹកឆ្នោត ។
អ្នកគាំទ្ររាប់ពាន់នាក់របស់លោកប្រធានាធិបតី ត្រាំ ម្សិលមិញនេះ បានប្រមូលផ្ដុំគ្នានៅទីក្រុងវ៉ាស៊ីនតោន ឌីស៊ី ដើម្បីតវ៉ាប្រឆាំងនឹងលទ្ធផលបោះឆ្នោត ។ យ៉ាងហោចណាស់ មនុស្ស ២០នាក់ ត្រូវបានចាប់ខ្លួនបន្ទាប់ពីក្រុមគាំទ្រ លោក ត្រាំ បានប៉ះទង្គិចគ្នាជាមួយក្រុមអ្នកតវ៉ាតបតវិញ ។
អត្ថបទទាក់ទង
រហូតមកដល់បច្ចុប្បន្ន សន្លឹកឆ្នោតជាង ៩៧% នៃសន្លឹកឆ្នោតសរុបដែលបានបោះ នៅឆ្នាំ២០២០ ត្រូវបានគេបូកសរុបរួចហើយ ។ ទូរទស្សន៍ NBC News ព្យាករថា លោក បៃដិន នឹងឈ្នះបាន ៣០៦សំឡេងឆ្នោត បើប្រៀបធៀបទៅនឹងចំនួនសន្លឹកឆ្នោតរបស់លោក ត្រាំ ដែលឈ្នះបាន ២៣២សំឡេង ។
បេក្ខជនប្រធានាធិបតីត្រូវការសំឡេងអង្គបោះឆ្នោតចំនួន ២៧០ សំឡេង ដើម្បីឈ្នះក្នុងការបោះឆ្នោតតំណែងប្រធានាធិបតីនេះ ។ លោក បៃដិន ក៏បាននាំមុខលោក ត្រាំ នៅក្នុងសំឡេងឆ្នោតប្រជាជនផងដែរ ដោយទទួលបានសំឡេងគាំទ្រច្រើនជាងលោក ត្រាំ ដល់ទៅ ៥លានសំឡេង ៕
