ក្រុមហ៊ុន Foxconn ដែលមានវិនិយោគរោងចក្រនៅក្នុងភាគខាងជើងនៃប្រទេសវៀតណាម នៅពេលឆាប់ៗនេះ នឹងបង្កើតក្រុមហ៊ុនក្នុងស្រុកថ្មីមួយទៀត នៅវៀតណាម ដែលអាចនឹងមានការផលិតផ្នែកទាក់ទងនឹងកុំព្យូទ័រ។
ក្រុមហ៊ុនFoxconnដែលមានមូលដ្ឋាននៅកោះតៃវ៉ាន់ មួយនេះ បានចាប់ផ្ដើមគ្រឿងអេឡិចត្រូនិកនៅក្នុងប្រទេសវៀតណាមរួចហើយកាលពីសប្ដាហ៍មុននេះ ហើយក្រុមហ៊ុននេះ ក៏មានបំណងទាញយកប្រយោជន៍ពីកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ហើយក៏សង្ឃឹមថា នឹងជំរុញដល់សមត្ថភាពផលិតកម្មក្នុងស្រុករបស់ខ្លួនផងដែរ។
អត្ថបទទាក់ទង!
នៅក្នុងប្រទេសវៀតណាម ក្រុមហ៊ុន Foxconn មានផលិតដូចជាទូរទស្សន៍,សម្ភារទូរគមន៍គមន៍, ផលិតផលទាក់ទងនឹងគ្រឿងកុំព្យូទ័រ។ ប្រធានក្រុមហ៊ុននេះ គឺលោក យ៉ាំង លៀវ បានបញ្ជាក់កាលពីខែមិថុនាថា វៀតណាមគឺជាមជ្ឈមណ្ឌលផលិតកម្មធំបំផុតរបស់ក្រុមហ៊ុននៅក្នុងតំបន់អាស៊ីអាគ្នេយ៍នេះ។
ក្រុមហ៊ុនផលិតគ្រឿងអេឡិចត្រូនិកតៃវ៉ាន់ដទៃទៀត ដូចជា Pegatron និង Wistron ក៏មានមានការពង្រីកខ្លួននៅក្នុងប្រទេសវៀតណាមផងដែរ។
ក្រុមហ៊ុន Foxconn បានចាប់ផ្ដើមវិនិយោគក្នុងប្រទេសវៀតណាម អំឡុងឆ្នាំ២០០៧ ដោយមានរោងចក្រនៅក្នុងតំបន់ភាគខាងជើងនៃខេត្ត បាក់ និញ, បាក់គៀង និងវិញ ផុក។
ក្រុមហ៊ុន Foxconn ក៏រំពឹងថា នឹងអាចនាំចេញផលិតផលរបស់ខ្លួនចេញពីប្រទេសវៀតណាមតម្លស ៦ពាន់លានដុល្លារ នៅឆ្នាំនេះផងដែរ ដោយតម្លៃនេះ គឺកើនឡើងទ្វេដងធៀបនឹងឆ្នាំមុន។ លើសពិនេះ ក្រុមហ៊ុនក៏គ្រោងនឹងបង្កើតការងារ៥ម៉ឺនការងារ ដោយមានអត្រាប្រាក់ខែជាមធ្យមចន្លោះពី ៤៣៣ដុល្លារ ទៅ ៥១៩ ដុល្លារ ក្នុងមួយខែ។
ផលិតផលកុំព្យូទ័រ គ្រឿងអេឡិចត្រូនិក និងគ្រឿងបង្គុំអេឡិចត្រូនិក គឺជាមុខទំនិញនាំចេញធំជាងគេបំផុតទី ២របស់វៀតណាមនៅរយៈពេល ១០ខែ ដំបូងនៅឆ្នាំនេះ ដោយមានតម្លៃដល់ទៅ ជាង៣៦ពាន់លានដុល្លារអាមេរិក ដែលស្ថិតនៅពីក្រោយការនាំចេញផលិតផលទូរសព្ទស្មាតហ្វូន និងគ្រឿងបន្លាស់។ នេះបើតាមទិន្នន័យពីគយវៀតណាម។ ទីផ្សារនាំចេញធំបំផុតរបស់ផលិតផលទាំងនេះ គឺប្រទេសចិន អាមេរិក និងសហភាពអឺរ៉ុប។
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
