បបរកង្កែបរសជាតិសាំងហ្គាពួរ មានលក់នៅភោជនីយដ្ឋាន G7

G7 Sin Ma មានបបរកង្កែប ដែលជាអាហារដ៏ឈ្ងុញឆ្ងាញ់ ប្រកបដោយអនាម័យខ្ពស់។ ក្រៅពីបបរកង្កែប ភោជនីយដ្ឋាន G7 មានប្រភេទអាហារជាច្រើនប្រភេទទៀត ដោយបើកដល់ទៅ៣ពេលឯនោះ គឺពេលថ្ងៃត្រង់ ល្ងាច និង យប់ ដោយបើកពីម៉ោង១១ព្រឹកដល់ម៉ោង២កន្លះ និង ម៉ោង៥ល្ងាច រហូតដល់ម៉ោង៣ព្រឹកព្រហាម។

លោក តាំង ខុន នាយកគ្រប់គ្រងទូទៅភោជនីយដ្ឋាន G7 Sin Ma Claypot Live Frog បានលើកឡើងថា ប្រជាពលរដ្ឋខ្មែរពីមួយថ្ងៃទៅមួយថ្ងៃ មានការយល់ដឹង និង ឲ្យតម្លៃលើការទទួលទានចំណីអាហារដែលមានគុណភាពកាន់តែខ្លាំងឡើងៗ ពិសេស ភោជនីយដ្ឋានស្ដង់ដារតែម្ដង។ ដូច្នេះហើយ ទើបធ្វើឲ្យយីហោភោជនីយដ្ឋានល្បីៗ ទាំងក្នុងស្រុក និងមកពីក្រៅស្រុក បានបើកបន្តកន្ទុយគ្នាជាបន្តបន្ទាប់។

លោកបន្ថែមថា អំណាចនៃការចាយវាយលើម្ហូបអាហារដែលមានគុណភាពខ្ពស់ បានសបញ្ជាក់ឲ្យឃើញពីការលូតលាស់នៃសេដ្ឋកិច្ចក្នុងប្រទេស ក៏ដូចជាកំណើនជីវភាពរបស់ប្រជាជនផងដែរ។

បើតាមការអះអាងពីនាយកគ្រប់គ្រងទូទៅដដែលនេះ បានគូសបញ្ជាក់ដែរថា ភោជនីយដ្ឋាន G7 របស់លោកក៏គ្រោងនឹងពង្រីកសាខាបន្ថែមទៀតនៅរាជធានីភ្នំពេញ និងបន្តពង្រីកទៅខេត្តដែលជាទិសដៅទេសចរណ៍ផ្សេងទៀត ដូចជា ខេត្តព្រះសីហនុ និងសៀមរាប ជាដើម ខណៈដែលបច្ចុប្បន្ន ភោជនីយដ្ឋាននេះទើបតែមាន ២សាខាប៉ុណ្ណោះ។

ភោជនីយដ្ឋាន G7 Sin Ma មានទីតាំងស្ថិតនៅ ៣៣៦c មហាវិថីព្រះមុនីវង្ស (St93) Coner st 282 សង្កាត់បឹងកេងកង១ ខណ្ឌចំការមន។ ទំនាក់ទនងលេខទូរស័ព្ទ៖ ០២៣ ៨០១ ២២២ ឬ ០១៧ ៧៨៣ ៧៧៧៕