ប្រេងសាំងនៅកម្ពុជាបន្តធ្លាក់ថ្លៃ១០០រៀលទៀតនៅចុងឆ្នាំ២០២១នេះ

បើតាមសេចក្ដីប្រកាសដដែល គិតចាប់ពីថ្ងៃទី១៦ខែធ្នូ រហូតដល់ថ្ងៃទី៣១ខែធ្នូ ឆ្នាំ២០២១នេះ សម្រាប់ប្រេងសាំងធម្មតានឹងមានតម្លៃ ​៤១០០៛ ខណៈប្រេងម៉ាស៊ូតមានតម្លៃ៣៧៥០៛ ក្នុង១លីត្រ ពោលគឺមានការធ្លាក់ចុះប្រមាណ១០០រៀលដូចគ្នា ពីតម្លៃលើកមុន​។

គួរជម្រាបថា ការថយចុះ នៃតម្លៃប្រេងឥន្ធនៈ នៅកម្ពុជានេះ គឺស្របគ្នាទៅ នឹងការថយចុះនៃតម្លៃប្រេងលើពិភពលោកដែរ បន្ទាប់ពី ប្រទេសមហាអំណាចសេដ្ឋកិច្ចធំៗ បានប្រកាសបញ្ចេញស្ដុកប្រេងបម្រុងទៅលើទីផ្សារ ក្រុមប្រទេសអ្នកផលិតប្រេងបានបង្កើនការផលិត និងបញ្ហាសំខាន់មួយទៀតនោះ គឺវត្តមាននៃមេរោគកូវីដ១៩បំប្លែងខ្លួន អូមីក្រុង ក៏បានធ្វើឲ្យតម្លៃប្រេងឆៅពិភពលោកដែលធ្លាប់តែប៉ោងខ្លាំង ត្រូវស្រកចុះបន្ដិចមកវិញផងដែរ៕ 

អត្ថបទ៖ ហួន ស្រីនីត