បើតាមការក្រសួងពាណិជ្ជកម្មកម្ពុជា ការធ្លាក់ចុះតម្លៃសាំងធម្មតា មកនៅត្រឹម ២.២៥០ រៀលក្នុងមួយលីត្រនេះ គឺត្រូវបានកំណត់ចាប់ពីថ្ងៃទី ១៦ ដល់ថ្ងៃទី ៣០ ខែមេសា។
ដោយឡែក បើមើលទៅលើតម្លៃប្រេងម៉ាស៊ូតវិញ សម្រាប់ការលក់នៅអំឡុងពេលដូចគ្នានេះ គឺមាន មានការធ្លាក់ចុះ ១៥០ រៀល ធៀបនឹងកាលពី១៥ថ្ងៃមុន ពោលគឺតម្លៃបច្ចុប្បន្ននៃប្រេងម៉ាស៊ូត សម្រាប់ថ្ងៃទី ១៦ ដល់ថ្ងៃទី ៣០ខែមេសា គឺលក់ត្រឹមតម្លៃ ២.៣០០ រៀលប៉ុណ្ណោះក្នុងមួយលីត្រ។
អត្ថបទទាក់ទង!
ការធ្លាក់ចុះ នៃតម្លៃប្រេងសាំងនៅកម្ពុជានេះ គឺត្រូវបានមន្ត្រីនាំពាក្យក្រសួងពាណិជ្ជកម្មអះអាងថា វាគឺដើរស្របទៅនឹងនិន្នាការទីផ្សារប្រេងឆៅរបស់ពិភពលោក ដែលបាននិងកំពុងធ្លាក់ចុះ។
តួយ៉ាងតម្លៃប្រេងឆៅពិភពលោក គិតត្រឹមរសៀលថ្ងៃទី១៦ ខែមេសានេះ សម្រាប់ទីផ្សារប្រេងឆៅ Brent Crude Oil Futures របស់ចក្រភពអង់គ្លេស គឺមានតម្លៃជាង ២៨,១៧ ដុល្លារអាមេរិកប៉ុណ្ណោះ ក្នុងមួយបារ៉ែល ខណៈដែលទីផ្សារប្រេងឆៅអាមេរិក West Texas Intermediate Crude Oil Futures មានតម្លៃត្រឹមតែ ២០,២៨ ដុល្លារប៉ុណ្ណោះក្នុងមួយបារ៉ែល៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
