ថៃជាប់លេខ៦ក្នុងចំណោមប្រទេស១០ ដែលមានសេវាគាំពារសុខភាពល្អបំផុតនៅលើពិភពលោក
ព័ត៌មាន
•
ប្រទេសថៃ ដែលស្ថិតនៅជាប់ភូមិផងរបងជាមួយកម្ពុជា កំពុងទទួលបានការទទួលស្គាល់លំដាប់ពិភពលោក សម្រាប់គុណភាពសេវាគាំពារសុខភាពរបស់…
អ្នកកាសែតអន្តរជាតិជើងចាស់ទាំងអស់នោះ ត្រូវបានក្រសួងការបរទេសសហរដ្ឋអាមេរិកជ្រើសរើសជាពិសេសតំណាងប្រចាំប្រទេសនីមួយៗរបស់ខ្លួន ដើម្បីឲ្យទៅចូលរួមសិក្សាស្រាវជ្រាវស្វែងយល់ ស្តីអំពីសក្តានុពលនៅក្នុងវិស័យថាមពលរបស់សហរដ្ឋអាមេរិក និង សន្តិសុខជាតិថាមពលអាមេរិក ដែលមានរយៈពេល ពេញមួយសប្តាហ៍ ចាប់ពីថ្ងៃទី០៨ ខែ កញ្ញា ដល់ថ្ងៃទី ១៤ ខែ កញ្ញា ឆ្នាំ២០១៩។
ដំណើរទស្សនកិច្ចសិក្សាស្វែងយល់ពីវិស័យថាមពលចម្រុះនេះដែរ ត្រូវបានគាំទ្រដោយស្ថានទូតសហរដ្ឋអាមេរិកតំណាងប្រចាំប្រទេសនីមួយៗ និង ជាពិសេសមានការឧបត្ថម្ភគ្រាំទ្រ ដោយការិយាល័យ ធនធានថាមពលអាមេរិក មជ្ឈមណ្ឌលសារព័ត៌មានអន្តរជាតិអាមេរិក នៃ ក្រសួងការបរទេសសហរដ្ឋអាមេរិកផងដែរ។
អ្នកសារព័ត៌មានអន្តរជាតិជាន់ខ្ពស់ទាំង ៨រូបនោះ មកពី ប្រទេស កម្ពុជា ប៊ុលហ្គារី ប៊ែលហ្សិក ហ្វីលីពីន អាហ្សឺប៉ៃចាន វៀតណាម ប៉ាពូ និង ប្រទេស លីធូននៀរ។
អ្នកសារព័ត៌មានអន្តរជាតិ៨ប្រទេសត្រូវបាន អាមេរិកជ្រើសរើសទៅសិក្សាស្វែងយល់ពីសក្តានុពលប្រភពថាមពលចម្រុះនៅសហរដ្ឋអាមេរិក
ដំណើរទស្សនកិច្ចសិក្សាស្វែងយល់ពីវិស័យថាមពលចម្រុះនៅសហរដ្ឋអាមេរិក អាចរាប់ចាត់ទុកថា គឺជាព្រឹត្តិការណ៍ទស្សនកិច្ចលក្ខណៈអន្តរជាតិលើកដំបូង ដែលផ្តោតសំខាន់ទៅលើការបង្កើត ការកែច្នៃ ការផលិត ការទាញយកប្រភពថាមពល ពីទឹក ពីដីខ្យល់ ព្រះអាទិត្យ របស់សហរដ្ឋអាមេរិក។
នៅក្នុងដំណើរទស្សនកិច្ចនេះដែរ ត្រូវបានជ្រើសរើស នឹងធ្វើឡើងនៅក្នុងរដ្ឋចំនួនពីរ គឺរដ្ឋ Texas នាទីក្រុង Austin និង ក្រុង Baton Rouge ក្នុងរដ្ឋ Louisiana។ រដ្ឋទាំងពីរនេះ គឺពោរពេញទៅដោយការកែច្នៃ ការផលិតថាមពលជាច្រើនប្រភេទ និងមានភាពរីកចម្រើនលើគ្រប់វិស័យ មិនថាតែវិស័យហេដ្ឋារចនាសម្ព័ន្ធ សេដ្ឋកិច្ចពាណិជ្ជកម្មប៉ុណ្ណោះទេ ប៉ុន្តែថែមទាំងមានការរីកចម្រើនយ៉ាងខ្លាំងនៅបណ្តុំរោងចក្រឧស្សាហកម្មធំៗ ស្ថាប័នស្រាវជ្រាវជាច្រើនជាពិសេសទាក់ទងនឹង វិស័យថាមពលចម្រុះតែម្តង។
ដោយសារតែមានប្រភពថាមពលប្រើប្រាស់ខ្លាំង នៅ ក្នុងរដ្ឋTexas និង រដ្ឋ Louisiana ដែលជារដ្ឋឆ្អឹងខ្នងសេដ្ឋកិច្ចដ៏សំខាន់មួយផ្នែករបស់សហរដ្ឋអាមេរិក ទើបជំរុញ ធ្វើឲ្យមានការអភិវឌ្ឍយ៉ាងឆាប់រហ័ស បាននិងកំពុងរុញច្រានកំណើនសេដ្ឋកិច្ចប្រជាជនអាមេរិកនៅក្នុងរដ្ឋនេះមានភាពល្អប្រសើរ។ លើសពីនេះទៅទៀត រដ្ឋទាំងពីរនេះ ក៏បានចូលរួមចំណែកដ៏សំខាន់ក្នុងការជួយទ្រទ្រង់បង្កើនកំណើនសេដ្ឋកិច្ចសហរដ្ឋអាមេរិកទាំងមូលផងដែរ។
អ្នកសារព័ត៌មានអន្តរជាតិ៨ប្រទេសត្រូវបាន អាមេរិកជ្រើសរើសទៅសិក្សាស្វែងយល់ពីសក្តានុពលប្រភពថាមពលចម្រុះនៅសហរដ្ឋអាមេរិក
អ្នកសារព័ត៌មានអន្តរជាតិអាជីពទាំង៨ប្រទេស បានចុះទៅសិក្សាស្រាវជ្រាវស្វែងយល់ពីសក្តានុពលប្រភពថាមពលដ៏សម្បូរបែប របស់សហរដ្ឋអាមេរិក ដែលនឹងត្រូវធ្វើឡើង នៅក្នុងវេទិការសាធារណ: សិក្ខាសាលា កិច្ចពិភាក្សា សួរដេញដោល ចែករំលែកបទពិសោធន៍ការងារ នៅតាមស្ថាប័ន និង សាកលវិទ្យាល័យល្បីៗជាច្រើន និង បានជួបមន្រ្តីជាន់ខ្ពស់ អ្នកជំនាញ ក្រុមហ៊ុន រោងចក្រ និង វាគ្មិន ល្បីៗ ដែលមានបទពិសោធន៍ ធ្វើការងារនៅក្នុងវិស័យថាមពលនៅសហរដ្ឋអាមេរិកជាច្រើន។
លោក ស៊ឺន សាយ អ្នកសារព័ត៌មានជាន់ខ្ពស់មកពីប្រទេសកម្ពុជាដែលមានបទពិសោធន៍ជាច្រើនឆ្នាំនៅក្នុងការសរសេរព័ត៌មានសេដ្ឋកិច្ច ព្រឹត្តការណ៍វេទិកាសេដ្ឋកិច្ចពាណិជ្ជកម្មសំខាន់ៗក្នុងតំបន់ និង ពិភពលោក បានធ្វើការកត់សម្គាល់ឃើញថា សហរដ្ឋអាមេរិកពិតជាមានការអភិវឌ្ឍរីកចម្រើនយ៉ាងខ្លាំក្លាលើគ្រប់វិស័យ រាប់សិបឆ្នាំមកហើយ ស័ក្តិសមជាប្រទេសមហាអំណាចសេដ្ឋកិច្ចលេខ១ ក្នុងពិភពលោកពិតប្រាកដមែន។
អ្នកសារព័ត៌មានអន្តរជាតិ៨ប្រទេសត្រូវបាន អាមេរិកជ្រើសរើសទៅសិក្សាស្វែងយល់ពីសក្តានុពលប្រភពថាមពលចម្រុះនៅសហរដ្ឋអាមេរិក
ប្រធានព័ត៌មានសេដ្ឋកិច្ច និង ជាអ្នកអត្ថាធិប្បាយព័ត៌មាននៅស្ថានីយ៍ទូរទស្សន៍ ភី អិន អិន រូបនេះបានលើកឡើងថា នេះគឺជាឪកាសដ៏ល្អកម្រកើតមាន និងជាលើកទី១ហើយ ដែលលោកបានមកជាន់ទឹកដីសហរដ្ឋអាមេរិក ដើម្បីសិក្សាស្រាវជ្រាវសរសេរព័ត៌មានសេដ្ឋកិច្ចពីវិស័យថាមពលចម្រុះ នៅក្នុងសហរដ្ឋអាមេរិក។ ថ្វីត្បិតតែដំណើរទស្សនកិច្ចនេះមានរយៈពេលខ្លី ប៉ុន្តែលោកហាក់បីដូចជា ទទួលបានបទពិសោធន៍ និង ចំណេះដឹងថ្មីៗជាច្រើន នៅក្នុងការសិក្សាស្រាវជ្រាវស្វែងយល់ពីសក្តានុពលប្រភពថាមពលចម្រុះ នៅសហរដ្ឋអាមេរិក។
លោក ស៊ឺន សាយ បានបញ្ជាក់យ៉ាងដូច្នេះថា៖ «តាមការសិក្សាស្រាវជ្រាវរបស់ខ្ញុំ តាមរយៈអ្នកជំនាញស្រាវជ្រាវថាមពល អ្នកតាក់តែងគោលនយោបាយប្រេង វាគ្មិនល្បីៗ នៅសហរដ្ឋអាមេរិក រកឃើញថា សហរដ្ឋអាមេរិក ជាប្រទេសសម្បូរទៅដោយប្រភពធនធានថាមពលលើលោកពិតប្រាកដមែន អ្វីដែលអាមេរិកទាញថាមពលមកប្រើប្រាស់ប្រចាំថ្ងៃ គឺបានមកពី ថាមពលកកើតឡើងវិញ ដែលអាចទាញមកពី ដី ខ្យល់ ទឹក ពន្លឺព្រះអាទិត្យ ប្រេងឥន្ទនៈ ឧស្ម័នធម្មជាតិ និងជាពិសេសប្រភពថាមពលអគ្គិសនី បានមកពីការង្កើតបរិមាណូជាដើម ។ល។ »។
លោកសាយបញ្ជាក់បន្ថែមថា សហរដ្ឋអាមេរិកមានការអភិវឌ្ឍរីកចម្រើនយ៉ាងខ្លាំងក្លានៅក្នុងការវិនិយោគ ការធ្វើពាណិជ្ជកម្ម ឧស្សាហកម្មធុនធ្ងន់ ឧស្សាហកម្មបច្ចេកវិទ្យាទំនើបៗ ៤.០ ដូច្នេះ ដើម្បីដើរឲ្យទាន់សភាពការណ៍ និងឆ្លើយតបទៅនឹងតម្រូវការចាំបាច់នៃ ការកើនឡើងឆាប់រហ័សឧស្សាហកម្មទំនើបៗទាំងអស់នេះ ទើបធ្វើឲ្យអាមេរិកពីមួយថ្ងៃទៅថ្ងៃ ខិតខំស្រាវជ្រាវ កែច្នៃបង្កើត ពង្រឹងសុវត្ថិភាព សន្តិសុខថាមពល ក្នុងវិស័យថាមពលប្រើប្រាស់ឲ្យកាន់តែខ្លាំងយ៉ាងដូច្នេះ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
