ក្រុមហ៊ុនផលិតថយន្ដម៉ាក Mazda របស់ជប៉ុនមួយនេះ បានប្រកាសថា ខ្លួននឹងផ្អាកផលិតកម្មរយៈពេល១០ថ្ងៃ នៅខែកក្កដាខាងមុខនេះ ចាប់ពីថ្ងៃទី៥ ដល់ថ្ងៃទី ៩ខែកក្កដា និងថ្ងៃទី ១២ដល់ថ្ងៃទី១៦ ដោយសារតែខ្វះខាតបន្ទះឈីប។
មែនទែនទៅ បញ្ហាខ្វះខាតបន្ទះឈីបនេះ បាននិងកំពុងកើតឡើងមិនមែនតែនៅប្រទេសជប៉ុនទេ សូម្បីតែនៅសហរដ្ឋអាមេរិក ក៏មានការខ្វះខាតដូចគ្នា ហើយរោងចក្រផលិតរថយន្ដធំៗជាច្រើនសុទ្ធតែបាន ប្រកាសពីការខ្វះខាតបន្ទះឈីបសម្រាប់ការផលិតរបស់ខ្លួនដូចជា ក្រុមហ៊ុន Tesla, Honda, Toyota និង Hyundaiជាដើម។
ប្រទេសមហាអំណាចធំៗ ក៏កំពុងប្រជែងគ្នាកាន់តែខ្លាំងឡើងដែរ ទាក់ទនឹងការផលិត និងផ្គត់ផ្គង់បន្ទះឈីប ហើយប្រទេសសេដ្ឋកិច្ចយក្សៗដូចជាអាមេរិក ចិន ជប៉ុន និងកូរ៉េខាងត្បូងជាដើម សុទ្ធតែបានបង្ហាញពីផែនការពោរពេញដោយមហិច្ឆតារបស់ខ្លួន ដោយចំណាយប្រាក់យ៉ាងសន្ធឹកសណ្ធាប់ដើម្បី ជំរុញការស្រាវជ្រាវ និងផលិតបន្ទះឈីបនេះ ដើម្បីប្រជែងទីផ្សារគ្នា ដ្បិតថា ឧបករណ៍បន្ទះអេឡិចត្រូនិកទាំងនេះ ត្រូវបានគេយកមកប្រើប្រាស់យ៉ាងសំខាន់នៅក្នុងការផលិតឧបករណ៍អេឡិចត្រូនិកជាច្រើនទៀត រួមទាំងកុំព្យូទ័រ ទូរស័ព្ទ , ទូរទស្សន៍, ទូរទឹកកក និងរថយន្ដជាដើម។
