ទំហំពាណិជ្ជកម្មកម្ពុជា-ថៃ ឆ្នាំ២០២០ សម្រេចបានជាង ៧ពាន់លានដុល្លារ ធ្លាក់ចុះ ២៣%
ព័ត៌មាន
•
នៅឆ្នាំ២០២០ ទំហំពាណិជ្ជកម្មរវាងកម្ពុជា និងប្រទេសថៃ សម្រេចបានជាងត្រឹមតែជាង ៧ពាន់លានដុល្លារប៉ុណ្ណោះ រអិលធ្លាក់ចុះ២៣% ធៀបនឹងឆ្នាំ២០១៩ ដែលធ្…
ឯកឧត្តម ហង់ជួន ណារ៉ុន រដ្ឋមន្ត្រីក្រសួងអប់រំយុវជន និងកីឡា បានសម្រេចជ្រើសរើសយកសាលាបឋមសិក្សាចតុមុខធ្វើជាសាលាគំរូក្នុងការអនុវត្តកម្មវិធីសុខភាពសិក្សាគ្រប់ជ្រុងជ្រោយប្រចាំរាជធានីភ្នំពេញ។ ព្រោះសាលាចតុមុខជាសាលាប្រវត្តិសាស្ត្រ ដែលបានបើកបវេសនកាលសិក្សាមុនគេនៅឆ្នាំ ១៩៧៩ នៅរាជធានីភ្នំពេញ។ ម្យ៉ាងសាលានេះ បានបំពេញគ្រប់លក្ខខណ្ឌកំណត់របស់ក្រសួងអប់រំ។
«យើងបានសហការជាមួយសកលវិទ្យាល័យកាកាវ៉ានៅប្រទេសជប៉ុន ដើម្បីអនុវត្តសាកល្បងនូវគម្រោងសុខភាពសិក្សានៅខេត្តកណ្តាល ស្រុកកណ្តាលស្ទឹង។ តាមរយៈ
បទពិសោធន៍នេះ យើងបានបង្កើតឲ្យមានជាស្តង់ដារមួយជាសាលាគំរូ ហើយបានសម្រេចយកសាលាចតុមុខនេះ ជាសាលាគំរូ»។ នេះជាការលើកឡើងរបស់ឯកឧត្តម ហង់ជួន ណារ៉ុន។
ឯកឧត្តម ហង់ជួន ណារ៉ុន ជំរុញឲ្យគ្រប់ខេត្ត បង្កើតសាលាគំរូ«សុខភាពសិក្សាគ្រប់ជ្រុងជ្រោយ»
រដ្ឋមន្ត្រីក្រសួងអប់រំ យុវជន និងកីឡារូបនេះ ជំរុញឲ្យគ្រប់រាជធានីខេត្តបង្កើតសាសាគំរូនេះឲ្យបានគ្រប់ៗគ្នា ដើម្បីលើកកម្ពស់សុខភាព និងការសិក្សារបស់សិស្សនៅតាមមូលដ្ឋាន។ ព្រោះឯកឧត្តម ចាត់ទុក សុខភាព គឺជាកត្តាកំណត់ក្នុងការសិក្សារបស់សិស្ស។
«ប្រសិនបើក្មេងមានជំងឺ និងកាយសម្បទានមិនរឹងមាំ គឺមិនអាចរៀនសូត្រពូកែបាននោះទេ។ កាលណាឈឺច្រើន វានឹងប៉ះពាល់ដល់ការវិវត្តខួរក្បាល ហើយវាធ្វើឲ្យក្មេងរៀនមិនពូកែទេ»។ នេះជាការយល់ឃើញរបស់ឯកឧត្តម ហង់ជួន ណារ៉ុន។
ទន្ទឹមនឹងនេះ ឯកឧត្តម បានលើកឡើងពីលក្ខខណ្ឌមួយចំនួន ដើម្បីអាចក្លាយជាសាលាគំរូនៃកម្មវិធីសុខភាពសិក្សាគ្រប់ជ្រុងជ្រោយ។ ដើម្បីអាចក្លាយជាសាលាគំរូ សាលានីមួយៗត្រូវមានបង្កើតគណៈកម្មការវាយតម្លៃ ដែលមានការចូលរួមពីអាជ្ញាធរ ឪពុកម្តាយសិស្ស តំណាងអ្នកលក់ដូរក្នុងសាលា គណៈគ្រប់គ្រង និងលោកគ្រូ អ្នកគ្រូជាដើម។
ឯកឧត្តម ហង់ជួន ណារ៉ុន ជំរុញឲ្យគ្រប់ខេត្ត បង្កើតសាលាគំរូ«សុខភាពសិក្សាគ្រប់ជ្រុងជ្រោយ»
បន្ថែមលើនេះ ត្រូវមានបន្ទប់សុខភាពដែលមានបំពាក់ឧបករណ៍ និងថ្នាំផ្សេងៗសម្រាប់ជួយសង្គ្រោះ និងពិនិត្យសុខភាពជាប្រចាំដល់សិស្ស, ត្រូវមានការចូលរួមពីមណ្ឌលសុខភាព ដើម្បីត្រួតពិនិត្យសុវត្ថិភាពអនាម័យ និងសុវត្ថិភាពចំណីអាហារ, ត្រូវរៀបចំឲ្យមានបង្គន់អនាម័យ កន្លែងលាងដៃ, រៀបចំសណ្តាប់ បរិស្ថានក្នុងបរិវេណសាលាឲ្យមានរបៀបរៀបរយ និងរៀបចំកម្មវិធីសិក្សាឲ្យមានប្រសិទ្ធិភាពជាដើម៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
