នៅក្នុងលិខិតដដែលនេះ បញ្ជាក់ថា នៅក្នុងករណីស្ថានភាពជំងឺកូវីដ១៩ ត្រូវបានបញ្ចប់មុនខែកញ្ញា ឆ្នាំ២០២០ ព្រមទាំងមានការជូនដំណឹងពីរាជរដ្ឋាភិបាលផងនោះ តម្រូវឲ្យគ្រឹះស្ថានសិក្សាគ្រប់កម្រិត និងគ្រប់ប្រភេទដំណើរការឡើងវិញ នោះគ្រឹះស្ថានសិក្សាដែលជាសមាជិកសមាគមគ្រឹះស្ថានឧត្តមសិក្សា កម្ពុជា ត្រូវមានកាតព្វកិច្ចបង់ភាគទានចាប់ពីខែដែលបានដំណើរការតទៅ។
កន្លងទៅ សមាគមគ្រឹះស្ថានឧត្តមសិក្សាកម្ពុជាធ្លាប់បានលើកឡើងថា មានគ្រឹះស្ថានសិក្សាឯកជនជាង១០០ ប្រឈមនឹងការក្ស័យធន ដោយមិនមានលទ្ធភាពបង់ថ្លៃឈ្នួលអគារ និងគ្មានប្រាក់ខែបើកឲ្យបុគ្គលិក ដោយសារតែវិបត្តិកូវីដ១៩នេះ៕
