ដោយមានការកើនឡើងយ៉ាងគំហុកនៃសេវាសាធារណៈនេះ ក្រសួងសាធារណការ និងដឹកជញ្ជូន បានបន្តបើកដំណើរការធម្មតា នាថ្ងៃទី០១ ខែឧសភា ឆ្នាំ២០២០ នៅគ្រប់មណ្ឌលត្រួតពិនិត្យបច្ចេកទេសយានយន្ត ឬឆៀកយាយនន្តទាំងអស់នៅដំណើរការជាធម្មតា ជាពិសេសធ្វើការជារៀងរាល់ថ្ងៃ(ច័ន្ទ-អាទិត្យ) ពីម៉ោង ០៨:០០ព្រឹក - ០៥:០០ល្ងាច ដើម្បីសម្រួលនឹងពន្លឿនការផ្តល់សេវាជូនប្រជាពលរដ្ឋ។
យ៉ាងណាមិញ ក្រសួងក៏បានអំពាវនាវឲ្យប្រជាពលរដ្ឋទាំងអស់ រក្សាគម្លាតតាមការណែនាំ និងបន្តរក្សាភ្ជាប់គោលការណ៍អនាម័យ ពាក់ម៉ាសឲ្យត្រឹមត្រូវតាមការចាំបាច់ ដើម្បីការពារការរីករាលដាលជំងឺកូវីដ១៩ទាំងអស់គ្នាផងដែរ។
អត្ថបទទាក់ទង
ចាប់តាំងពីមានការប្រកាសអនុវត្តការរឹតបន្តឹងច្បាប់ចរាចរណ៍ផ្លូវគោកមក មានម្ចាស់យានយន្តជាច្រើនបានសម្រុកទៅកាន់មណ្ឌលត្រួតពិនិត្យលក្ខណៈបច្ចេកទេសយានយន្ត ឬកន្លែងឆៀកយានយន្ត ដើម្បីធ្វើការត្រួតពិនិត្យ ដែលបានបង្កឲ្យមានការកកស្ទះនៅតាមដងផ្លូវនានា នៅជិតកន្លែងឆៀកយានយន្តទាំងនោះ។
ជាក់ស្តែងនៅថ្ងៃទី ទី០១ ឧសភានេះ គេសង្កេតឃើញថា នៅគ្រប់គ្រប់មណ្ឌលត្រួតពិនិត្យលក្ខណៈបច្ចេកទេសយានយន្ត ឬឆៀកយានយន្តទាំងអស់ នៅតែមានការកកស្ទះតាំងពីព្រលឹមមក ដោយសារតែមានម្ចាស់យានយន្តជាច្រើន បាននាំគ្នាភ្លូកទឹកភ្លូកដី សម្រុកទៅធ្វើឆៀករថយន្តរៀងខ្លួន ព្រោះថា ថ្ងៃនេះ គឺជាថ្ងៃដំបូង នៃការរឹតបន្តឹងច្បាប់ចរាចរណ៍ហើយ ដោយគោលដៅត្រួតពិនិត្យចំបងទី១ គឺនៅមុខវត្តវាលស្បូវ តាមបណ្តោយផ្លូវជាតិលេខ១ ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
