លោក ដូណាល់ ត្រាំ បានបញ្ជាក់ថា កិច្ចព្រមព្រៀងពាណិជ្ជកម្មរវាងអាមេរិកនិងចិន គឺជារឿងសំខាន់បន្ទាប់បន្សំពី រឿងបញ្ហាមេរោគកូវីដ១៩ ហើយក្រុមការងាររដ្ឋាភិបាលអាមេរិក បាននិងកំពុងពិភាក្សាអំពីផែនការយុទ្ធសាស្ត្រប្រឆាំងនឹងប្រទេសចិន ដែលអាចឈានដល់ការបែកបាក់ទំនាក់ទំនងរវាងប្រទេសទាំងពីរ បើទោះបីជាកិច្ចព្រមព្រៀងពាណិជ្ជកម្មដំណាក់កាលទី១ ទើបតែបានសម្រេចកាលពីដើមឆ្នាំ២០២០កន្លងទៅក៏ដោយ។
លោក ដូណាល់ ត្រាំ បន្តថា លោកនឹងបញ្ចប់កិច្ចព្រមព្រៀងពាណិជ្ជកម្មដំណាក់កាលទី១ បើសិនជាប្រទេសចិនមិនបានគោរពកិច្ចសន្យាបញ្ជាទិញទំនិញ តម្លៃជាង ២០០ពាន់លានដុល្លារអាមេរិកពីប្រទេសអាមេរិកនោះទេ។
អត្ថបទគួរអាន
យ៉ាងណាក៏ដោយ ប្រធានាធិបតីអាមេរិករូបនេះនៅតែចោទប្រកាន់ប្រទេសចិន ដែលគ្រប់គ្រងការសាយភាយនូវមេរោគនេះមិនបានល្អ ហើយលោកបានបង្ហាញពីក្តីបារម្ភចំពោះការស្លាប់របស់ប្រជាពលរដ្ឋរបស់ខ្លួន នៅក្នុងវិបត្តិមេរោគកូវីដ១៩ ដែលបានព្យាករថា អាចនឹងមានពលរដ្ឋអាមេរិកប្រមាណ ១សែននាក់ស្លាប់ ដោយសារមេរោគដ៏កាចសាហាវនេះ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
