គម្រោង Covax មានគោលដៅបែងចែកវាក់សាំងកូវីដ-១៩ ប្រភេទ AstraZeneca ប្រមាណ ២ លានដូសដល់កូរ៉េខាងជើង។ ដោយការផ្គត់ផ្គង់វាក់សាំងជើងទីមួយធ្លាប់ត្រូវបានរំពឹងថានឹងដឹកទៅដល់កូរ៉េខាងជើងនៅចុងខែ ឧសភា ប៉ុន្តែត្រូវពន្យារពេលវិញ ដោយសារតែកូរ៉េខាងជើងនៅស្ទាក់ស្ទើរក្នុងការទទួលយកនិងចំណាយពេលពិគ្រោះយោបល់យូរពេក។
កូរ៉េខាងជើងត្រូវបានរាយការណ៍ថា មិនមានករណីឆ្លងកូវីដ-១៩ ដោយសារប្រទេសនេះបានដាក់វិធានការប្រឆាំងទប់ស្កាត់មេរោគឆ្លង ដោយបិទព្រំដែន និង ហាមឃាត់ការធ្វើដំណើរក្នុងស្រុក។
របាយការណ៍របស់វិទ្យាស្ថានសម្រាប់យុទ្ធសាស្ត្រសន្តិសុខជាតិដែលសហការជាមួយភ្នាក់ងារចារកម្មកូរ៉េខាងត្បូង ទីក្រុងព្យុងយ៉ាងគឺកំពុងស្វែងរកជម្រើសវ៉ាក់សាំងផ្សេងទៀត។
ថ្មីៗនេះដែរ បើតាមទីភ្នាក់ងារព័ត៌មាន Reuters ប្រទេសរុស្ស៊ីបានអះអាងថានឹងខ្លួននឹងផ្ដល់ជូនវ៉ាក់សាំងកូវីដ-១៩ទៅឲ្យប្រទេសកូរ៉េខាងជើងបើសិនជាប្រទេសនេះ យល់ព្រមទទួលយក ខណៈដែលកន្លងមកកូរ៉េខាងជើងនេះ តែងតែបដិសេធទទួលយកវ៉ាក់សាំងពីបណ្ដាប្រទេសនានា។
អត្ថបទគួរអាន
អ្នកនាំពាក្យរបស់សម្ព័ន្ធវ៉ាក់សាំងពិភពលោក បានបញ្ជាក់ថា ពួកគេនឹងបន្តធ្វើការជាមួយអាជ្ញាធរកូរ៉េខាងជើង ដូចដែលពួកគេធ្លាប់ធ្វើការគ្រប់ប្រទេសទាំងអស់ ដើម្បីឆ្លើយតបនឹងការរាតត្បាតនៃជំងឺកូវីដ-១៩ ។
តាមរបាយការណ៍របស់វិទ្យាស្ថានសម្រាប់យុទ្ធសាស្ត្រសន្តិសុខជាតិបានឲ្យដឹងថា កូរ៉េខាងជើងនឹងមិនប្រើប្រាស់វ៉ាក់សាំងចិននោះទេ ដោយបារម្ភពីប្រសិទ្ធិភាពរបស់វា ប៉ុន្ដែ កូរ៉េខាងជើងបានបង្ហាញពីចំណាប់អារម្មណ៍ចំពោះវ៉ាក់សាំងរបស់ប្រទេសរូស៊ី ដែលរុស្ស៊ីនឹងផ្តល់ឲ្យដោយឥតគិតថ្លៃ។
លោក Lee Sang Keun អគ្គនាយកស្រាវជ្រាវយុទ្ធសាស្ត្រលើឧបទ្ធីបកូរ៉េ បានបញ្ជក់បន្ថែមទៀត អាជ្ញាធរកូរ៉ខាងជើង មានព្រួយបារម្ភអំពី វ៉ាក់សាំង AstraZeneca បន្ទាប់ពីរបាយការណ៍ខ្លះថាមានបញ្ហាកំណកឈាម ក្រោយពេលចាក់វ៉ាក់សាំងនេះ។
សូមញ្ជាក់ថា បើទោះបីជា កូរ៉េខាងជើងអនុញ្ញាត ឲ្យមានការទូតក្រៅប្រទេសដើម្បីទទួលបានវ៉ាក់សាំងប្រឆាំងកូវីដ-១៩ កាលពីចុងខែមីនាក៏ដោយ ប៉ុប៉ុន្ដែ កូរ៉េខាងជើងមិនបានទទួលយកវ៉ាក់សាំងទាំងនោះសម្រាប់ការប្រើប្រាស់ក្នុងស្រុកនោះទេមកទល់ពេលនេះ៕
អត្ថបទ៖ សុខ សិទ្ធិការ្យ
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
