តាមការរាយការណ៍ពីរ Reuters បានឲ្យដឹងថា រោងចក្រផលិតទូរទស្សន៍របស់ក្រុមហ៊ុន Samsung នេះ គឺនៅក្នុងក្រុង Tianjin ហើយវាក៏ជារោងចក្រផលិតទូរទស្សន៍ Samsung តែមួយគត់ដែលមានមូលដ្ឋាននៅក្នុងប្រទេសចិន។ ការសម្រេចចិត្តនេះ គឺផ្នែកមួយនេះ កិច្ចខិតខំប្រឹងប្រែងក្នុងការបង្កើនប្រសិទ្ធភាពក្នុងផលិតកម្មរបស់ខ្លួន។
រោងចក្រនេះ មានកម្មករបម្រើការ ៣០០នាក់ នេះបើតាមការរាយការណ៍ពីសារព័ត៌មានកូរ៉េ Yonhap។
Samsung បានបដិសេធក្នុងការផ្ដល់បទសម្ភាសន៍ទាក់ទងនឹងចំនួនកម្មករធ្វើការងារនេះ ជាមួយនឹងសារព័ត៌មាន Reuters ប៉ុន្ដែ ក្រុមហ៊ុនបានបង្ហើបថា មានកម្មករ និងសម្ភារខ្លះ ត្រូវបានរំពឹងថា នឹងត្រូវបានរក្សាទុក។
អត្ថបទទាក់ទង!
ការរើចេញរោងចក្រផលិតទូរទស្សន៍ Samsung នៅពេលចុងក្រោយនេះ ក៏បានបន្សល់ទុកក្រុមហ៊ុន អេឡិចត្រូនិក Samsung មួយចំនួននៅក្នុងប្រទេសចិនដែរ ដូចជា រោងចក្រផលិតឧបករណ៍ប្រើប្រាស់ក្នុងផ្ទះ នៅក្នុងទីក្រុង Suzhou និងរោងចក្រផលិតបន្ទះឈីប នៅក្នុងទីក្រុង Suzhou និង Xian។
តាមការអះអាងរបស់ក្រុមហ៊ុន Samsung នៅក្នុងខែ មីនា ក្រុមហ៊ុនបានសម្រេចចិត្តបញ្ចប់ផលិតកម្មទូរទស្សន៍(LCD) ទាំងអស់របស់ខ្លួននៅកូរ៉េ និងចិននៅចុងឆ្នាំនេះ។
នៅក្នុងខែសីហា Samsung បានបញ្ជាក់ថា នឹងបញ្ឈប់ប្រតិបត្តិការរោងចក្រកុំព្យូទ័រចុងក្រោយរបស់ខ្លួននៅក្នុងប្រទេសចិន៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
