លោក អាខុម ធើមភីថាយ៉ាបៃសិទ្ធ (Arkhom Termpittayapaisith) រដ្ឋមន្ត្រីក្រសួងហិរញ្ញវត្ថុថៃ បានសន្យាផ្តល់ប្រាក់កម្ចីកាលពីថ្ងៃពុធ នៅពេលដែលលោកធ្វើជាអធិបតីក្នុងពិធីចុះហត្ថលេខាលើអនុស្សរណៈនៃកិច្ចសហប្រតិបត្តិការរវាងទីភ្នាក់ងារចំនួន៩ ដើម្បីគាំទ្រដល់ឧស្សាហកម្មកៅស៊ូ។ នេះបើតាមសេចក្តីរាយការណ៍របស់សារព័ត៌មាន the Nation ។
ទីភ្នាក់ងារដែលកំពុងតែរួបរួមគ្នាដើម្បីជួយដល់ឧស្សាហកម្មកៅស៊ូនេះរួមមានសភាពាណិជ្ជកម្មថៃ, ធនាគារក្រុងថៃ, ធនាគារកសិកម្មនិងសហករណ៍កសិកម្ម, សាជីវកម្មធានាឥណទានថៃ, និងធនាគារនាំចេញ-នាំចូលរបស់ប្រទេសថៃជាដើម ។
អត្ថបទគួរអាន
លោក អាខុម បាននិយាយថា ធនាគាររដ្ឋនឹងគាំទ្រមូលនិធិសម្រាប់ឧស្សាហកម្មកៅស៊ូចាប់តាំងពីពីដើមទីរហូតដល់ចុងបញ្ចប់នៃសង្វាក់ផលិតកម្ម ឬរាប់ចាប់តាំងពីកសិករដាំកៅស៊ូ រហូតដល់រោងចក្រកែច្នៃជ័រ និងរោងចក្រផលិតទំនិញធ្វើពីកៅស៊ូ។
ដោយឡែក លោក ឆៃឆាន ឆារ៉េនស៊ុក (Chaicharn Charoensuk) ប្រធានក្រុមប្រឹក្សាអ្នកដឹកជញ្ជូនជាតិថៃ បាននិយាយថា ក្រុមប្រឹក្សានេះរំពឹងថាការនាំចេញកៅស៊ូ និងផលិតផលកៅស៊ូនឹងកើនឡើង ទោះបីជាការនាំចេញទំនិញផ្សេងទៀតនឹងចុះកិច្ចសន្យានៅឆ្នាំនេះក៏ដោយ។
យោងតាមលោក ឆៃឆាន, ក្រុមប្រឹក្សាអ្នកដឹកជញ្ជូនជាតិថៃរំពឹងថា ការនាំចេញកៅស៊ូនឹងកើនឡើង ៥ ភាគរយ។
បច្ចុប្បន្ន ការនាំចេញកៅស៊ូរបស់ថៃគឺមានតម្លៃ ៦៨០ ប៊ីលានបាត ឬជិត២០ប៊ីលានដុល្លារក្នុងមួយឆ្នាំ ហើយអ្នកដែលពាក់ព័ន្ធនឹងផលិតកម្មកៅស៊ូគឺមានជាង ៦ លាននាក់ នៅលើផ្ទៃដីដាំកៅស៊ូសរុបជិត ៣ លានហិកតា ៕
ដោយៈ សរ សុជាតិ
