Smart Axiata

ក្រុម Sugarpads ទទួលបានរង្វាន់ទឹកប្រាក់ ៣ ០០០ដុល្លារពី Smart Axiata ក្រោយក្លាយជាជើងឯក SmartSpark ជំនាន់ទី ៨


រាជធានីភ្នំពេញ ថ្ងៃទី ២៥ ខែតុលា ឆ្នាំ ២០២១ - ក្រុម Sugarpads ដែលមានគំនិតផ្តួចផ្តើមបង្កើតបន្ទះសំឡីអនាម័យជួយដល់បរិស្ថានដែលត្រូវបានផលិតចេញពីសែលុយឡូស បានឈ្នះរង្វាន់ចំនួន ៣ ០០០ដុល្លារពីក្រុមហ៊ុន Smart Axiata តាមរយៈកម្មវិធីបណ្តុះបណ្តាលសហគ្រិន SmartSpark ដែលមានគោលបំណងបង្កើតការបណ្តាក់ទុនសង្គមដ៏មានអត្ថន័យដែលនឹងរួមចំណែកដល់កម្មវិធីគោលដៅអភិវឌ្ឍន៏ប្រកបដោយនិរន្តរភាពទាំង១៧គោលដៅផងដែរ (SDGs)។
ក្រុម Sugarpads ទទួលបានរង្វាន់ទឹកប្រាក់ ៣ ០០០ដុល្លារពី Smart Axiata ក្រោយក្លាយជាជើងឯក SmartSpark ជំនាន់ទី ៨
ដោយ

SmartSpark ដែល​ឥឡូវ​ស្ថិតក្នុងជំនាន់ទី៨របស់​ខ្លួន ​ត្រូវ​បាន​ដាក់​ឱ្យ​ដំណើរការ​ជា​ផ្នែកមួយ​នៃ​កិច្ច​សហប្រតិបត្តិ​ការរវាង​ក្រុមហ៊ុន Smart Axiata និង Impact Hub ភ្នំពេញ។ ចាប់តាំងពីត្រូវបានបង្កើតឡើងនៅឆ្នាំ២០១៨ កម្មវិធីនេះបានគាំទ្រដល់សហគ្រិនវ័យក្មេងក្នុងការស្វែងរកនិងពង្រីកអាជីវកម្មសង្គមដែលរួមចំណែកដល់ការអភិវឌ្ឍន៍ប្រកបដោយចីរភាព។

ក្រុម Sugarpads ត្រូវបានជ្រើសរើសពីចំណោមក្រុមសរុបចំនួន៨ក្នុងកម្មវិធី SmartSpark ដែលផ្តោតលើការកសាងភាពធន់ក្នុងការរស់នៅបែបគន្លងថ្មី។ បេក្ខជនអ្នកចូលរួមត្រូវបានអញ្ជើញឱ្យស្វែងរកដំណោះស្រាយ ដែលនឹងកាត់បន្ថយភាពក្រីក្រ វិសមភាពយេនឌ័រ និងសេដ្ឋកិច្ច ភាពអត់ការងារធ្វើ និងកំណើនសេដ្ឋកិច្ចដែលនៅទ្រឹង។

បន្ទាប់ពីទទួលបានការបណ្តុះបណ្តាលរយៈពេល៣ខែ ក្រុមទាំង៨ បានធ្វើការជាមួយអ្នកណែនាំនិងអ្នកបណ្តុះបណ្តាល ដើម្បីអភិវឌ្ឍការបណ្តាក់ទុនសង្គមរបស់ពួកគេ។ ក្រុមទាំង៨ បានបង្ហាញគំនិតផ្ដួចផ្ដើមរបស់ពួកគេនៅក្នុងការផ្សាយផ្ទាល់មួយនៅលើហ្វេសប៊ុក ដែលមានអ្នកចូលមើលជាង ៥ម៉ីន ៧ពាន់នាក់។

កញ្ញា ឈួរ សុច័ន្ទវិមល ប្រធានក្រុម Sugarpads បានឲ្យដឹងថា៖ «SmartSpark បាននាំយកបទពិសោធន៍និងកម្មវិធីសិក្សាដ៏គួរឱ្យចងចាំនិងគួរឱ្យរំភើបបំផុតនៅឆ្នាំនេះ។ យើងពិតជាស្ងើចសរសើរចំពោះសក្ដានុពលនិងសណ្ដានចិត្ត របស់អ្នកណែនាំទាំងអស់នោះដែលបានផ្តល់ដំបូន្មានល្អៗ ហើយគាំទ្រយើងដោយអត់ធ្មត់បំផុត។ កម្មវិធីនេះគឺជួយឲ្យយើងអភិវឌ្ឍខ្លួនឯង ដែលអាចឱ្យយើងផ្ទៀងផ្ទាត់គំនិតអាជីវកម្មរបស់យើង និងនាំយកមេរៀនអាជីវកម្មគួរឱ្យចាប់អារម្មណ៍និងទាន់សម័យ ដែលមានប្រយោជន៍សម្រាប់ពេលបច្ចុប្បន្ន និងអនាគតរបស់យើង។​ នៅក្នុងកម្មវិធី SmartSpark យើងមិនត្រឹមតែរៀនអំពីទ្រឹស្តីប៉ុណ្ណោះទេ ប៉ុន្តែយើងក៏រៀនអនុវត្តផងដែរ។»

កញ្ញា ណារ៉ា សុខេម៉ា គ្រូបង្គោល និងទីប្រឹក្សាកម្មវិធីនៅ Impact Hub ភ្នំពេញ បានមានប្រសាសន៍ថា៖ «​យើងពិតជាមានមោទនភាពយ៉ាងខ្លាំងចំពោះក្រុមសហគ្រិនសង្គមវ័យក្មេងទាំងអស់នេះណាស់ ដែលបានខិតខំប្រឹងប្រែងយ៉ាងពេញទំហឹងដោយឆន្ទៈ និងការប្តេជ្ញាចិត្ត ដើម្បីជួយប្រទេសកម្ពុជាសម្របខ្លួនទៅនឹងការរស់នៅបែបគន្លងថ្មី តាមរយៈដំណោះស្រាយប្រកបដោយភាពច្នៃប្រឌិតរបស់ពួកគេ ដើម្បីធ្វើឲ្យប្រសើរឡើងផ្នែកសុខភាពផ្លូវកាយ សុខភាពផ្លូវចិត្ត ការរៀនពីចម្ងាយប្រកបដោយប្រសិទ្ធភាព ពាណិជ្ជកម្មអេឡិចត្រូនិក និងដំណោះស្រាយទេសចរណ៍តាមប្រព័ន្ធអុីនធឺណិត។»

 លោក ថូម៉ាស ហ៊ុន (Thomas Hundt) នាយកប្រតិបត្តិក្រុមហ៊ុន Smart Axiata មានប្រសាសន៍ថា៖ «ក្រោយបានរស់នៅជាមួយកូវីដ-១៩ អស់រយៈពេលជិតពីរឆ្នាំកនុ្លងមក ប្រទេសកម្ពុជាឥឡូវនេះកំពុងចាប់ផ្តើមបោះជំហានឆ្ពោះទៅរកការបើកសេដ្ឋកិច្ចឡើងវិញទាំងស្រុង។ ក្រុមសហគ្រិនទាំងអស់នេះស្ថិតក្នុងជំនាន់ដ៏ពិសេសមួយ ដែលអាចចាប់យកឱកាសនានា ដើម្បីផ្ដើមប្រតិបត្តិការសហគ្រាសសង្គមរបស់ពួកគេ ដើម្បីជាប្រយោជន៍រួមក្នុងសង្គមរបស់យើង។ គំនិតច្នៃប្រឌិតជាច្រើនទាំងនេះនឹងធ្វើអោយគុណភាពជីវិតរបស់មនុស្ស និងសុខុមាលភាពរបស់ពួកគេប្រសើរឡើង ដោយប្រើប្រាស់ទម្រង់ផ្សេងៗនៃបច្ចេកវិទ្យាឌីជីថល។ យើង​រំភើបណាស់​ដែល​បាន​ឃើញភាពលូតលាស់​​រីកចម្រើន ​ដែល​សហគ្រិនវ័យក្មេងទាំងនេះ​នឹង​ចាប់ផ្តើម។»

ក្រុមទាំង៨ នឹងត្រូវបានអញ្ជើញឱ្យចូលរួមក្នុងកម្មវិធីអតីតនិស្សិតរបស់ Impact Hub - Hub Entrepreneurs Club - ហើយនឹងបន្តទទួលបានការគាំទ្រដូចជា៖ កម្មវិធីណែនាំ ថ្នាក់បង្ហាត់បង្រៀន កន្លែងសិក្សានិងអនុវត្ត និងឱកាសចូលរួមក្នុងសហគមន៍ ដែលមានអ្នកច្នៃប្រឌិត និងអ្នកដឹកនាំឆ្លាតវៃ។

 ក្រុមទាំង៨ ដែលបានចូលរួមកម្មវិធី៖

●     SugarPads គឺជាបន្ទះសំឡីអនាម័យជួយដល់បរិស្ថានដែលត្រូវបានផលិតចេញពីសែលុយឡូសពី ធម្មជាតិក្នុងគោលបំណងជួយដោះស្រាយបញ្ហារលាកទ្វារមាសរបស់ស្រ្តីនិងបង្កើននូវទំនុកចិត្តជូនសុភាពនារីជាពិសេសជួុយកាត់បន្ថយនូវការប្រើប្រាស់ប្លាស្ទិច។

·         រុក្ខាលែប យកចិត្តទុកដាក់ចំពោះសុខភាព និងសម្រស់ដូច្នេះហើយយើងផ្តល់ជូននូវប្រេងធម្មជាតិសុទ្ធ១០០% សម្រាប់ផលិតផលទឹកអប់។

·         រៀនបឋម គឺជាវេទិកាសិក្សាតាមអនឡាញសម្រាប់សិស្សថ្នាក់ទី ៤-៦ ដើម្បីរៀន ហើយផ្ដល់ភាពសប្បាយរីករាយផងដែរ។

·         ម៉ាស្គីន ​(MaSkin)គឺជាស្ព្រេយសម្រាប់បាញ់កំចាត់បាក់តេរីនៅលើម៉ាស់ហើយ​អាច​​កំចាត់ក្លិនមិនល្អ​​​​​​​និងជួយទប់ស្កាត់ការកើតមុន​ រោលកន្ទួលរមាស់ផ្សេងៗ​​​​ ពីការពាក់ម៉ាស់។

·         MentalAid គឺជាវេទិកាសុវត្ថិភាពនិងគួរជាទីទុកចិត្តមួយក្នុងការជួយ និងគាំទ្រមនុស្សពេញវ័យឱ្យមានសុខភាពផ្នែកផ្លូវចិត្តល្អ និងធ្វើឱ្យសុខុមាលភាពរបស់ពួកគេកាន់តែប្រសើរឡើងតាមរយៈការផ្ដល់ជាសេវាកម្មជួយខ្លួនឯងព្រមទាំងសេវាកម្មជំនួយពីអ្នកឯកទេសផ្នែកសុខភាពផ្លូវចិត្ត។

·         លក់ដុំ គឺជាកម្មវិធីមួយដែលងាយស្រួលដល់អ្នកប្រើប្រាស់ក្នុងការបញ្ជាទិញផលិតផលគ្រឿងទេសគ្រប់ប្រភេទក្នុងចំនួនច្រើន​ ក្នុងតម្លៃសមរម្យ ដើម្បីប្រើប្រាស់ក្នុងផ្ទះផ្ទាល់ ឬលក់បន្ត។

·         Tussana ផ្តល់នូវបទពិសោធន៍អនឡាញដ៏រំភើប និងថ្មីសម្រាប់មនុស្សគ្រប់រូប នៅគ្រប់ទីកន្លែង។

·         InsightChopមានគោលបំណងផ្លាស់ប្តូរ និងផ្តល់តម្លៃសារជាថ្មីទៅដល់ចង្កឹះដែលបានប្រើប្រាស់រួច អោយក្លាយទៅជាវត្ថុធាតុដើមថ្មី និងផលិតផលប្រើប្រាស់ប្រចាំថ្ងៃដ៏មានតម្លៃ។

 

© 2022 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


ក្រុមហ៊ុន HEINEKEN Cambodia ឈ្នះ​ពាន​រង្វាន់​ធនធានមនុស្ស​ផ្នែក​អភិវឌ្ឍន៍​អាជីព​ល្អ​បំផុត ប្រចាំ​តំបន់​អាស៊ីប៉ាស៊ីហ្វិក

ព័ត៌មាន
ក្រុមហ៊ុន HEINEKEN Cambodia ត្រូវបានទទួលស្គាល់ថាជាក្រុមហ៊ុនមួយក្នុងចំណោមក្រុមហ៊ុនធំៗប្រចាំតំបន់អាស៊ីប៉ាស៊ីហ្វិកខាងផ្នែកអភិវឌ្ឍន៍អាជីព …

ចិនខិតខំកែប្រែច្បាប់ពាណិជ្ជកម្មមួយចំនួនដើម្បីឲ្យត្រូវស្តង់ដាររបស់កិច្ចព្រមព្រៀងពាណិជ្ជកម្ម CP TPP

ព័ត៌មាន
ចិនបានខិតខំប្រឹងប្រែងបោះជំហានទៅមុខមួយជំហានទៀត ក្នុងការកែប្រែច្បាប់ធ្វើពាណិជ្ជកម្មរបស់ខ្លួន ដើម្បីអោយត្រូវតាមស្តង់ដារដែលបានតម្រូវ ដើម្បីក្លា…
More

Related Stories


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ