រដ្ឋបាលចំណីអាហារ និងឱសថថៃ កំពុងពិចារណាលើសំណើចាក់វ៉ាក់សាំងជូនកុមារចាប់ពីអាយុ៣ឆ្នាំឡើងទៅ ដែលជាការស្នើឡើងដោយក្រុមហ៊ុននាំចូលវ៉ាក់សាំងនៅក្នុងប្រទេសថៃ។
ក្នុងនោះ ក្រៅតែពីក្រុមហ៊ុននាំចូលវ៉ាក់សាំងស៊ីណូហ្វាម ក៏មានក្រុមអ្នកបញ្ជាទិញវ៉ាក់សាំងផ្សេងទៀត កំពុងតាមដាន និង សុំឯកសារគាំទ្រពីក្រុមហ៊ុនផលិតវ៉ាក់សាំងស៊ីណូវ៉ាក់ ដើម្បីស្នើសុំសម្រាប់ចាក់ជូនក្មេងអាយុ ៣ ឆ្នាំឡើងទៅផងដែរ។ បច្ចុប្បន្នប្រទេសថៃ មានវ៉ាក់សាំងចំនួនពីរប្រភេទប៉ុណ្ណោះ គឺ Pfizer និង Moderna របស់អាមេរិក ដែលអាចចាក់ជូនកុមារ និងយុវជន ដែលមានអាយុចាប់ពី ១២ ឆ្នាំឡើងទៅ ។
អត្ថបទគួរអាន
ទន្ទឹមនេះ វ៉ាក់សាំង Pfizer គ្រោងនឹងចាប់ផ្តើមចាក់ជូនសិស្សានុសិស្សចំនួន ៤ លាននាក់នៅខែក្រោយ។ ស្របពេល សិស្សប្រមាណ ៥ ម៉ឺននាក់ បាននិងកំពុងចុះឈ្មោះតាមអនឡាញសម្រាប់ចាក់វ៉ាក់សាំងស៊ីណូហ្វាម។ យុទ្ធនាការនេះ មានគោលបំណងផ្តល់ភាពស៊ាំដល់សិស្សមុនពេលចូលរៀន ព្រមទាំងធ្វើឱ្យការសិក្សាក្នុងថ្នាក់មានសុវត្ថិភាព។ យុទ្ធនាការនេះនឹងចាប់ផ្តើមនៅថ្ងៃទី ២០ ខែកញ្ញានេះតែម្តង។
សូមជម្រាបថា គិតត្រឹមថ្ងៃទី ៩ ខែកញ្ញា អ្នកចាក់វ៉ាក់សាំងសរុបក្នុងប្រទេសថៃមានចំនួនប្រមាណ៣៨លានលាននាក់ហើយ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
