តម្លៃប្រេងឆៅនៅអង់គ្លេសហក់ឡើងជិត៧០ដុល្លារក្នុងមួយបារ៉ែល
ព័ត៌មាន
•
តម្លៃប្រេងឆៅនៅតែបន្ដកើនឡើងខ្ពស់ ដោយមួយធុងបារ៉ែលមានតម្លៃដល់ទៅជិត៧០ដុល្លារអាមេរិកទៅហើយ នេះសម្រាប់តម្លៃប្រេងដែលលក់នៅទីផ្សារអង់គ្លេស។ ការកើ…
ឆ្កែហិតក្លិនទាំង ៦ ដែលបានទទួលការបង្វឹកនេះ នឹងត្រូវបញ្ជូនទៅពង្រាយនៅតាមព្រលានយន្តហោះដើម្បីជួយដល់ការងារត្រួតពិនិត្យរកអ្នកជំងឺកូវីដ-១៩ ។
យោងតាមគេហទំព័ររបស់សាកលវិទ្យាល័យ ជូឡាឡុងកន ឆ្កែទាំង៦ក្បាល ដែលបង្វឹកដោយអ្នកស្រាវជ្រាវនៅឯមហាវិទ្យាល័យពេទ្យសត្វរបស់សាកលវិទ្យាល័យ សម្រេចបានអត្រាភាពត្រឹមត្រូវនៅក្នុងការហិតរកអ្នកជំងឺកូវីដដែលគ្មានរោគសញ្ញា ចំនួន ៩៤,៨% ។
បើយោងតាមសាកលវិទ្យាល័យ នៅក្នុងការបង្ហាត់ឆ្កែទាំងនេះ គេបានយកសំណាកញើសពីមនុស្សដែលផ្ទុកជំងឺកូវីដ-១៩ ។ គេប្រើកូនដុំសំឡីនិងស្រោមជើងជូតយកញើសក្លៀករបស់អ្នកជំងឺ ។ បន្ទាប់មក គេយកសំណាកនេះទៅដាក់នៅក្នុងមន្ទីរពិសោធន៍សុវត្ថិភាពជីវសាស្ត្រ ហើយបន្ទាប់មកទៀត ដាក់ក្នុងកំប៉ុងឲ្យឆ្កែហិត ។
នៅពេលដែលឆ្កែលត់ជង្គង់ បានន័យថា សំណាកនោះគឺយកចេញពីអ្នកជំងឺដែលមិនចេញរោគសញ្ញា ។
សាកលវិទ្យាល័យក៏បានបញ្ជាក់ផងដែរថា ដំណើរការធ្វើតេស្តទាំងមូលគឺមានសុវត្ថិភាពចំពោះទាំងឆ្កែ ទាំងបុគ្គលិកដែលចូលរួមពាក់ព័ន្ធនៅក្នុងការងារនេះ ។
គម្រោងមួយនេះ ត្រូវបានអនុវត្តរយៈពេល ៦ខែ និងបែងចែកជា ៣ដំណាក់កាល ។ ដំណាក់កាលទី១ គឺការបង្វឹកឆ្កែឲ្យហិតបែងចែកក្លិនរបស់អ្នកជំងឺ ។ ដំណាក់កាលទី២ គឺការដាក់ឲ្យឆ្កែទាំងនេះធ្វើការនៅតាមព្រលានយន្តហោះ កំពង់ផែ និងកន្លែងទេសចរណ៍សំខាន់ៗ ។ នៅទីនោះ គេដាក់ឲ្យឆ្កែហិតជើងរបស់មនុស្ស ។ ដំណាក់កាលទី៣ គឺការអភិវឌ្ឍបង្កើតឧបករណ៍ sensor ដើម្បីពិនិត្យរកមនុស្សដែលមានហានិភ័យនៃការឆ្លងជំងឺកូវីដ-១៩ ។
គម្រោងនេះជាកិច្ចប្រឹងប្រែងរួមគ្នារវាងមហាវិទ្យាល័យពេទ្យសត្វ និងមហាវិទ្យាល័យឱសថសាស្ត្រនិងវិទ្យាស្ត្រ ដោយក្រុមហ៊ុន Chevron ជាអ្នកផ្ដល់មូលនិធិគាំទ្រ ៕
