អគារ The Bridge បានសហការជាមួយក្រុមហ៊ុន EnviroCam ដែលជាបុត្រសម្ព័ន្ធរបស់ក្រុមហ៊ុន HCC Group Co., Ltd ដែលជាក្រុមហ៊ុននាំមុខគេក្នុងទីផ្សារកម្ពុជាក្នុងវិស័យសេវាកម្មបរិស្ថាន ប្រកបដោយវិជ្ជាជីវៈខ្ពស់សម្រាប់ការបាញ់ថ្នាំកំចាត់មេរោគនៅទីតាំងផ្សេងៗនៃអាគារ The Bridge នេះ។ ថ្នាំបាញ់សម្លាប់មេរោគនេះ ត្រូវបានក្រុមការងារនៃក្រុមហ៊ុន EnviroCam អះអាងថា មានប្រសិទ្ធភាពក្នុងការទប់ស្កាត់ការរីករាលដាលនៃវីរុសដ៏មានកាចសាហាវនេះ។
ក្នុងនាមជាអគារស្នាក់នៅផង និងសម្រាប់អាជីវកម្មផង អគារភ្លោះ The Bridge បានអនុវត្តវិធានការណ៍នេះ ក្នុងគោលបំណងការពារការរីករាលដាលនៃមេរោគកូវីដ១៩ ដើម្បីធ្វើឱ្យអគារមានសុវត្ថិភាពសម្រាប់បុគ្គលិកធ្វើការ អ្នកស្នាក់នៅ និងក្រុមអ្នកមកទស្សនាគម្រោងផងដែរ។
រហូតមកដល់ពេលនេះប្រទេសកម្ពុជាមានករណីឆ្លងវីរុសកូវីដ១៩ចំនួន ១២៤ ករណីហើយ ខណៈដែល១២២ករណីក្នុងចំណោមនេះ ត្រូវបានក្រសួងសុខាភិបាលប្រកាសថា បានជាសះស្បើយហើយ។
អត្ថបទគួរអាន
អគារ The Bridge មានទីតាំងស្ថិតនៅក្នុងតំបន់សំខាន់មួយដែលមាន មន្ទីរការិយាល័យរដ្ឋាភិបាល ហាងលក់រាយភោជនីយដ្ឋាន កន្លែងកំសាន្ត ក្លឹបកីឡា ស្ថានទូត ផ្សារលក់ទំនិញ ធនាគារ មជ្ឈមណ្ឌលសន្និបាតនិងសាលពិព័រណ៍កោះពេជ្រ សាលាក្រុងភ្នំពេញ ផ្សារទំនើបអ៊ីអនម៉ល ១ និងមានកន្លែងសំខាន់ៗជាច្រើនទៀតដែលស្ថិតនៅក្បែរនឹងអគារទំនើបមួយនេះ។
គម្រោង The Bridge មានអគារខ្ពស់ចំនួនពីរគឺ អគារខុនដូ និងអគារសូហូ។ ក្នុងកម្ពស់ ៤៥ ជាន់ ជាអគារខុនដូ និងអាផាតមិន ដែលមានកម្ពស់ខ្ពស់ជាងគេនៅកម្ពុជា។ គម្រោងនេះមានសូហូ (បន្ទប់ដែលអាចធ្វើការនិងស្នាក់នៅជាមួយគ្នា) សរុបចំនួន ៩៦៣ យូនីតនិងខុនដូ ៧៦២ យូនីត ។ ទាំងនេះត្រូវបានបំពេញបន្ថែមដោយហាងលក់រាយចំនួន ៤៧៥ និងហាងលក់ទំនិញ ៣២ ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
