យោងតាមទីភ្នាក់ងារព័ត៌មាននេះ ការរញ្ជួយដីលើកទី១ មានកម្រិត ៣.៥ រ៉ិចទ័រ ដែលកើតឡើងនៅម៉ោង ៤ និង ០២នាទី ព្រឹក ក្នុងស្រុកសាយសាថាន ដោយចំណុចការរញ្ជួយដីនេះនៅជម្រៅប្រហែល ១០ គីឡូម៉ែត្រ ហើយរយៈពេល ៤នាទីក្រោយមក ការរញ្ជួលើកទី២ ក៏កើតឡើងម្តងទៀត ក្នុងកម្លាំង ៥.៨ រ៉ិចទ័រ និងមានចម្ងាយប្រហែល ៤ គីឡូម៉ែត្រពីស្រុកសាយសាថាន។
ដោយឡែក ប្រជាជនដែលរស់នៅជាប់តំបន់នេះ បានឱ្យដឹងថា ពួកគេក៏ទទួលរំញ័រនៃគ្រោះរញ្ជួយដីនេះដែរ។ ប៉ុន្តែរហូតមកទល់ពេលនេះ មិនទាន់មានរបាយការណ៍ណាមួយ ស្តីពីការបំផ្លិចបំផ្លាញ នៃការរញ្ជួយដីទាំងពីរលើកនៅក្នុងប្រទេសឡាវក្បែរខាងកម្ពុជានេះទេ។អត្ថបទគួរអាន
សូមជម្រាបថា នៅថ្មីៗនេះ ប្រទេសក្នុងតំបន់អាស៊ាន ២ ដូចជា ម៉ាឡេស៊ី និង ហ្វីលីភីន ក៏បានជួបគ្រោះធម្មជាតិផងដែរ។ ក្នុងនោះ ប្រទេសម៉ាឡេស៊ី បានជួបនៅគ្រោះទឹកជំនន់យ៉ាងធ្ងន់ធ្ងរ ដោយសាភ្លៀងធ្លាក់ខ្លាំង ចាប់តាំងពីថ្ងៃព្រហស្បត្តិ៍អាទិត្យមុនមកម្ល៉េះ។ ខណៈប្រទេសហ្វីលីភីនឯណោះវិញ បានរងការវាយប្រហារយ៉ាងខ្លាំងពីព្យុះទីហ្វុងរ៉ៃ អមជាមួយនឹងភ្លៀងយ៉ាងជោគជាំ ដែលបានសម្លាប់មនុស្សជាង ១០០នាក់ និង បំផ្លិចបំផ្លាញ ផ្ទះសម្បែង និងហេដ្ឋារចនាសម្ព័ន្ធយ៉ាងដំណំក្នុងប្រទេសនេះផងដែរ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
