អត្ថបទទាក់ទង
Urban Village គឺជាខុនដូដែលមានតម្លៃសមរម្យលក់ដាច់ជាងគេក្នុងប្រទេសកម្ពុជា ជាមួយនឹង ១៣០០ យូនីត សម្រាប់គម្រោង៤វគ្គដំបូង ត្រូវបានលក់ដាច់អស់ក្នុងអំឡុងពេលរោគរាតត្បាតកូវីដ-១៩ ហើយឥឡូវនេះ គម្រោងវគ្គទី៥បានចាប់បើកលក់ហើយ ។
អ្នកនាង Chan បាននិយាយថា ការប្រកាសពានរង្វាន់នេះត្រូវបានប្រារព្ធឡើងនាពេលថ្មីៗនេះ នៅឯពិព័រណ៍កម្រាលព្រំក្រហមនិម្មិត ។ Urban Village និង Factory Phnom Penh បានឈ្នះពានរង្វាន់ធំពីរ រួមមាន “Best Mixed-use Architecture” និង “Best Mixed-use Development” ។
The International Property Awards ត្រូវបានបង្កើតឡើងក្នុងឆ្នាំ១៩៩៤ នៅចក្រភពអង់គ្លេស និងត្រូវបានគេទទួលស្គាល់ថាជាពានរង្វាន់ផ្នែកអចលនទ្រព្យដ៏ល្បីល្បាញ និងគួរឱ្យគោរពបំផុតដោយសាធារណជន និងបុគ្គលសំខាន់ៗក្នុងវិស័យអចលនទ្រព្យទូទាំងពិភពលោក ។
កម្មវិធីពានរង្វាន់លំដាប់ពិភពលោកនេះ ទទួលស្គាល់នូវភាពប្រណីតនិងការរក្សាបាននូវស្តង់ដារកម្រិតខ្ពស់ទៅលើផ្នែកផ្សេងៗគ្នាក្នុងវិស័យអចលនទ្រព្យទូទាំងពិភពលោក រួមមាន ការអភិវឌ្ឍ ភ្នាក់ងារអចលនទ្រព្យ ស្ថាបត្យកម្ម ការរចនាផ្ទៃខាងក្នុង និងបដិសណ្ឋារកិច្ច ។
The International Property Awards មានកិត្តនាមលើដំណើរការវិនិច្ឆ័យនិងការផ្ដល់ពិន្ទុយ៉ាងម៉ត់ចត់ ។ រាល់ពាក្យសើ្នសុំទាំងអស់ត្រូវបានពិនិត្យនិងវិនិច្ឆ័យដោយគណៈកម្មការដែលប្រកបទៅដោយអ្នកជំនាញច្រើនជាង ៩០នាក់ មកពីវិស័យនីមួយៗទូទាំងពិភពលោក ។
អ្នកនាង Chan និងលោក Li បាននិយាយថា «ពួកយើងពិតជាមានមោទនភាព និងរំភើបយ៉ាងក្រៃលែងដែលបានតំណាងឲ្យប្រទេសកម្ពុជា និងបង្កើតឲ្យមាននូវអព្ភូតហេតុសម្រាប់ប្រទេសដោយបានឈ្នះនូវពានរង្វាន់ខ្នាតអន្តជាតិទាំងនេះ ។ ទាំងអស់នេះមិនត្រឹមតែជាជ័យជម្នះប៉ុណ្ណោះទេ តែវាថែមទាំងជាសមិទ្ធផលយ៉ាងអស្ចារ្យសម្រាប់វិស័យអចលនទ្រព្យក្នុងប្រទេសកម្ពុជាផងដែរ ។»
អ្នកនាង Chan និង លោក Li បានបន្ថែមដែរថា «ការឈ្នះពានរង្វាន់ទាំងនេះមិនត្រឹមតែលើកទឹកចិត្តឱ្យយើងបន្តឱ្យអស់ពីសមត្ថភាពដើម្បីជួយកសាងប្រទេសកម្ពុជាឱ្យកាន់តែប្រសើរនោះទេ ប៉ុន្តែវាក៏អនុញ្ញាតឱ្យយើងបំពេញនូវការប្តេជ្ញាចិត្តរបស់យើងក្នុងការលើកកម្ពស់វិស័យអចលនទ្រព្យរបស់កម្ពុជាទៅកាន់ពិភពលោកផងដែរ ។»
ចាប់ពីឆ្នាំ២០១៩ ដល់ឆ្នាំ២០២១ Urban Hub Cambodia ដែលជាក្រុមហ៊ុនអភិវឌ្ឍន៍អចលនទ្រព្យដែលបានចុះបញ្ជីក្នុងស្រុក និងនៅពីក្រោយគម្រោងដែលទទួលបានពានរង្វាន់និងគម្រោងដែលបានបញ្ចប់ Urban Loft, Urban Village Phase 1, Urban Village Phase 2 and Factory Phnom Penh បានប្រមូលពានរង្វាន់ចំនួន ២៦ពាន ពីការប្រកួតផ្សេងៗនៅទូទាំងអាស៊ី អឺរ៉ុប និងអាមេរិកខាងជើង ៕
