ការលើកឡើងរបស់ស្ថានទូតចិនប្រចាំនៅសហរដ្ឋអាមេរិកដូចនេះ ធ្វើឡើងនៅបន្ទាប់ពីប្រធានាធិបតីអាមេរិក លោក ចូ បៃឌិន កាលពីថ្ងៃពុធដដែល បានបញ្ជាឱ្យទីភ្នាក់ងារស៊ើបការណ៍សម្ងាត់របស់អាមេរិក តាមដានរកប្រភពដើមនៃមេរោគកូវីដ-១៩ដោយផ្ទាល់តែម្តង ហើយត្រូវរាយការណ៍មកកាន់លោកវិញក្នុងអំឡុងពេល ៩០ថ្ងៃ។
គួរជម្រាបដែរថា ការដាក់បញ្ជាផ្ទាល់ពីលោក ចូ បៃឌិនដូចនេះ ធ្វើឡើងស្របពេលដែលតំណាងសហរដ្ឋអាមេរិកប្រចាំនៅអង្គការសុខភាពពិភពលោក រួមជាមួយនឹងប្រទេសជាច្រើនទៀត កាលពីថ្ងៃអង្គារទី២៥ឧសភា បានស្នើទៅមហាសន្និបាតអង្គការសុខភាពពិភពលោក ឲ្យបើកការស៊ើបអង្កេតដំណាក់កាលទី២ និងសិក្សាឲ្យបានស៊ីជម្រៅទាក់ទងនឹងប្រភពដើមរបស់កូវីដ-១៩។
ប្រការនេះបានធ្វើឲ្យរដ្ឋាភិបាលក្រុងប៉េកាំងស្ថិតនៅក្រោមសម្ពាធជាថ្មី ពិសេសសម្ពាធពីអង្គការសុខភាពពិភពលោក ដើម្បីផ្តល់សិទ្ធិច្រើនជាងមុនឲ្យអ្នកស៊ើបអង្កេត និងអ្នកជំនាញអាចស្រាវជ្រាវឲ្យបានស៊ីជម្រៅជុំវិញប្រភពដើមនៃរីរុសកូរូណា ដែលយើងស្គាល់សព្វថ្ងៃថា ជាជំងឺកូវីដ-១៩ ស្របពេលដែលជារឿយៗបញ្ហានេះ ត្រូវបានគេចោទប្រកាន់ថា វីរុសកូរូណាបានលេចធ្លាយដំបូងចេញពីមន្ទីរពិសោធន៍នៃក្រុងវូហានប្រទេសចិន។
អត្ថបទទាក់ទង!
ឆ្លើយតបនឹងការចោទប្រកាន់នេះ ចិនបានធ្វើការបដិសេដម្តងហើយម្តងទៀតថា មន្ទីរពិសោធន៍មិនមែនជាប្រភព ឬកន្លែងដែលបានបែកធ្លាយកូវីដ-១៩នោះទេ ផ្ទុយទៅវិញចិនបានចោទប្រកាន់ សហរដ្ឋអាមេរិក និងប្រទេសដទៃទៀតថាកំពុងព្យាយាមបិទបាំងភាពអាម៉ាស់ និងបង្វែរការចាប់អារម្មណ៍ពីបរាជ័យរបស់ពួកគេក្នុងការទប់ស្កាត់កូវីដ-១៩។
សូមរំឭកថា អង្គការសុខភាពពិភពលោកធ្លាប់បានបញ្ជាក់ញយដងមកហើយថា ប្រភពដើមដំបូងបំផុតនៃវីរុសកូរ៉ូណា ដែលបច្ចុប្បន្នហៅថាកូវីដ១៩ មានលទ្ធភាពខ្ពស់ជាទីបំផុតដែលវាមានប្រភពដើមចេញពីសត្វប្រចៀវ ឆ្លងមកសត្វមួយប្រភេទទៀត រួចទើបចម្លងមកកាន់មនុស្ស ហើយការដែលអះអាងថា វីរុសនេះត្រូវបានធ្លាយចេញពីមន្ទីរពិសោធន៍នោះ គឺជាការលើកឡើងដោយមិនត្រឹមត្រូវ និងពុំទាន់មានភស្តុតាងគ្រប់គ្រាន់នោះទេ។ យ៉ាងណាមិញ អ្នកជំនាញ WHO បានលើកឡើងថា ពួកគេនឹងពុំទាត់ចោលនូវសេណារីយ៉ូមួយនេះទេ រហូតដល់មានការស៊ើបអង្កេតស៊ីជម្រៅម្តងទៀត៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
