តាមអ្វីដែលក្រុមហ៊ុនអាមេរិកបានឆ្លើយនៅក្នុងការស្ទង់មតិ ដោយសភាពាណិជ្ជកម្មអាមេរិកនៅហុងកុង បានឲ្យដឹងទៀតថា ប្រទេសសិង្ហបុរី គឺស្ថិតនៅក្នុងចំណោមទិសដៅដ៏ពេញនិយមបំផុត ក្រោយពីការចាកចេញពីទីក្រុងហុងកុង របស់ក្រុមហ៊ុនអាមេរិកទាំងនោះ បន្ទាប់ពីនោះគឺ ទីក្រុងតូក្យូប្រទេសជប៉ុន, ទីក្រុងតៃប៉ិប្រទេសចិន និងប្រទេសថៃជាដើម។
ការស្ទង់មតិនេះ គឺបានធ្វើឡើងនៅចន្លោះថ្ងៃទី ៥ដល់ថ្ងៃទី ៩ខែឧសភា ដោយបានសាកសួរទៅកាន់សមាជិករបស់សភាពាណិជ្ជកម្មអាមេរិកសរុប៣២៥ស្ថាប័ន។
ទាក់ទងនឹងការបង្ហាញពីចំណាប់អារម្មណ៍របស់ក្រុមហ៊ុនអាមេរិក ដែលចង់ចាកចេញពីហុងកុងនេះដែរ ប្រធានសភាពាណិជ្ជកម្មអាមេរិកនៅហុងកុងក៏បាននិយាយនៅក្នុងសេក្ដីថ្លែងការណ៍ថា សភាពាណិជ្ជកម្មអាមេរិកជឿជាក់ថា អាជីវកម្មជាច្រើននឹងមានឱកាសល្អ សម្រាប់ការលូតលាស់ទៅថ្ងៃអនាគត។
អត្ថបទទាក់ទង
ចាប់តាំងពីទីក្រុងប៉េកាំងបានអនុម័តច្បាប់សន្ដិសុខជាតិកាលពីឆ្នាំមុន ដើម្បីពង្រឹងការគ្រប់គ្រងលើទឹកដីពាក់កណ្ដាលស្វយ័តភាពរបស់ខ្លួនរួចមក រដ្ឋាភិបាលក្នុងស្រុកហុងកុង បានដកសមាជិកសភាមួយចំនួន ពន្យារពេលបោះឆ្នោត និងបានចាប់សកម្មជន និងអ្នកនយោបាយគាំទ្រលទ្ធិប្រជាធិបតេយ្យរាប់សិបនាក់ដាក់ពន្ធធនាគារផងដែរ។
ប្រការនេះ ក៏បានធ្វើឲ្យពលរដ្ឋហុងកុងកាន់តែច្រើន បានសម្រេចទិញផ្ទះនៅអង់គ្លេស ដើម្បីអាចទៅរស់ទៅនោះ ក្រោយពេលរដ្ឋាភិបាលប្រទេសអស់គ្លេស បានអនុញ្ញាតផ្ដល់ទិដ្ឋាការ និងសញ្ជាតិសម្រាប់ពលរដ្ឋពួកគេ។
ផ្អែកលើការស្ទង់មតិខាងលើនេះ សភាពាណិជ្ជកម្មអាមេរិក បានស្នើទៅកាន់រដ្ឋាភិបាលត្រូវយកចិត្តទុកដាក់លើសតិអារម្មណ៍របស់ជនបរទេស ដែលរស់នៅ និងរកស៊ីនៅហុងកុង និងគួរតែមានការបន្ធូរបន្ថយក្ដីកង្វល់ទាំងនេះឲ្យបានឆាប់៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
