ក្រោយពីជំនួប G20 ថ្នាក់រដ្ឋមន្ត្រីការបរទេសបិទបញ្ចប់ទៅគ្នាលទ្ធផលអ្វីជាដុំកំពួននោះ ឥឡូវនេះក្រុមមេដឹកនាំនៃរដ្ឋមន្រ្តីហិរញ្ញវត្ថុមកពីក្រុមប្រទេសដែលមានសេដ្ឋកិច្ចរីកចម្រើនទាំង២០ (G20) បាននឹងកំពុងជួបប្រជុំគ្នានៅលើកោះបាលី ខណៈដែលម្ចាស់ផ្ទះឥណ្ឌូនេស៊ីព្យាយាមសម្របសម្រួល និងរកចំណុចពិភាក្សារួមគ្នាក្នុងការរកដំណោះស្រាយនៃសង្រ្គាមអ៊ុយក្រែន ព្រមទាំងសម្ពាធសេដ្ឋកិច្ចដែលកាន់តែយ៉ាប់យ៉ើនទៅៗផងដែរ ។
លោកស្រី Yellen បានថ្លែងនៅក្នុងកិច្ចប្រជុំ G20 នៃថ្នាក់រដ្ឋមន្ត្រីហិរញ្ញវត្ថុ ជាមួយមន្រ្តីធនាគារកណ្តាលចំនួន ២០ ទៀតនៅលើកោះ Bali ប្រទេសឥណ្ឌូនេស៊ី ដោយបានស្តីបន្ទោសថា ការរីករាលដាល និងផលជះជាអវិជ្ជមាននៃសង្រ្គាមនៅអ៊ុយក្រែនគឺប្រទេសរុស្សី «តែម្នាក់គត់» ជាអ្នកបង្កឡើង។
លោកស្រី Yellen រដ្ឋមន្ត្រីហិរញ្ញវត្ថុសហរដ្ឋអាមេរិក បានប្រាប់អ្នកយកសារព័ត៌មានកាលពីយ៉ាងដូច្នេះថា៖ «មន្ត្រីរុស្ស៊ីគ្រាក់ៗមិនមានកន្លែងនៅក្នុងកិច្ចប្រជុំ G20 ក្នុងសប្តាហ៍នេះទេ។ ហើយលោកស្រី ក៏បានអំពាវនាវឱ្យសហគមន៍អន្តរជាតិទទួចឲ្យរុស្សីទទួលខុសត្រូវចំពោះសង្គ្រាម និងផលប៉ះពាល់របស់វាទៅលើតម្លៃថាមពល និងការកើនឡើងកង្វះខាងស្បៀងអាហារពិភពលោក។
យ៉ាងណាមិញ លោកស្រី ស្រ៊ី ម៉ូលយ៉ានី (Sri Mulyani) រដ្ឋមន្រ្តីហិរញ្ញវត្ថុឥណ្ឌូនេស៊ីដែលធ្វើជាម្ចាស់ផ្ទះ បានអំពាវនាវឱ្យសមាជិក G20 ទាំងអស់គួរតែនិយាយតិចតួចអំពីរឿងនយោបាយ ដោយប្តូរមកកសាងស្ពានរវាងគ្នាទៅវិញទៅមក ដើម្បីសម្រេចបានការមូលមតិគ្នា និងផលប្រយោជន៍ជាក់ស្តែង។
អត្ថបទគួរអាន
ទោះបីជាយ៉ាងណាក៏ដោយ លោកស្រី Yellen បានថា «លោកស្រីនៅតែធ្វើការថ្កោលទោសយ៉ាងខ្លាំងនៃសង្រ្គាមឈ្លានពានដ៏ឃោរឃៅ និងអយុត្តិធម៌របស់រុស្ស៊ីនេះ ដោយបានសង្កត់ធ្ងន់ៗថា ក្រុមមន្ត្រីរុស្ស៊ីដែលចូលរួមក្នុងកិច្ចប្រជុំនេះ «ជាការពិតណាស់ត្រូវតែទទួលខុសចំពោះអ្វីដែលបានកើតឡើង ព្រោះពួកគេនៅតែគាំទ្រដល់របបលោកពូទីន»។
ក្នុងជំនួបនោះដែរ ប្រធានមន្រ្តីហិរញ្ញវត្ថុអាមេរិករូបនេះ បាននឹងកំពុងជំរុញឲ្យប្រទេសធំៗជុំវិញពិភពលោកទម្លាក់តម្លៃប្រេង ក៏ដូចជារក្សាឲ្យបាននូវចង្វាក់នៃលំហូរប្រេងពិភពលោក ក្រោយពីសហភាពអឺរ៉ុប ចក្រភពអង់គ្លេស និងសហរដ្ឋអាមេរិកដាក់ទណ្ឌកម្មឈប់នាំចូលប្រេងរុស្សីនឹងចូលជាធរមាននៅចុងឆ្នាំនេះ។
ទោះបីជាបែបនេះក្តី គេមិនដឹងច្បាស់ទេថា តើមន្ត្រីលោកខាងលិចនឹងដើរចេញពីបន្ទប់ប្រជុំ នៅពេលដែលមន្រ្តីរុស្ស៊ីបាននិយាយដូចដែលពួកគេបានធ្វើនៅទីក្រុងវ៉ាស៊ីនតោន ក្នុងអំឡុងពេលកិច្ចប្រជុំចុងក្រោយថ្នាក់រដ្ឋមន្ត្រីហិរញ្ញវត្ថុ G20 ដែរ ឬយ៉ាងណានោះទេ។
គួររំលឹកឡើងវិញបន្តិចថា ក្រុមប្រទេសសេដ្ឋកិច្ចធំៗទាំង២០ G20 ដែលរួមមានបណ្តាប្រទេសលោកខាងលិច បានធ្វើការដាក់ទណ្ឌកម្មលើរុស្ស៊ី និងចោទប្រកាន់រុស្សី បានប្រព្រឹត្តិឧក្រិដ្ឋកម្មសង្គ្រាមនៅអ៊ុយក្រែន។ តែមានប្រទេសមួយចំនួនដូចជា ចិន ឥណ្ឌា និងអាហ្រ្វិកខាងត្បូង បានបដិសេធមិនព្រមថ្កោលទោសរុស្សីនោះឡើយ។
