សារព័ត៌មាន VN Express ជាភាសាអង់គ្លេសរបស់វៀតណាម បានផ្សាយថា វ៉ាក់សាំងទាំងនេះនឹងចាក់ឲ្យជនជាតិចិនដែលកំពុងរស់នៅក្នុងប្រទេសវៀតណាម ជនជាតិវៀតណាមដែលនឹងទៅសិក្សា ធ្វើការ ឬធ្វើដំណើរទៅកាន់ប្រទេសចិនដើម្បីហេតុផលមុខជំនួញ និងប្រជាជនដែលត្រូវការវ៉ាក់សាំងនៅតាមព្រំដែនវៀតណាម-ចិន ។
ប្រទេសវៀតណាមបានអនុម័តវ៉ាក់សាំងចិន Sinopharm សម្រាប់ការប្រើប្រាស់បន្ទាន់ កាលពីថ្ងៃទី៤ ខែមិថុនា ឆ្នាំ២០២១ ។
ប្រទេសវៀតណាម បច្ចុប្បន្ន កំពុងប្រើប្រាស់វ៉ាក់សាំង AstraZeneca សម្រាប់កម្មវិធីវ៉ាក់សាំងជាតិរបស់ខ្លួន ។ កន្លងមក វៀតណាមបានអនុម័តការប្រើប្រាស់វ៉ាក់សាំង AstraZeneca របស់អង់គ្លេស, Gererium របស់រុស្ស៊ី, Sinopharm របស់ចិន និងវ៉ាក់សាំងដែលផលិតរួមគ្នាដោយក្រុមហ៊ុនអាមេរិក Pfizer និងក្រុមហ៊ុនអាល្លឺម៉ង់ BioNTech ៕
