គេនៅចាំបានថាប្រទេសវៀតណាមបានដាក់ការត្រួតពិនិត្យព្រំដែនយ៉ាងតឹងរ៉ឹង នៅពេលចាប់ផ្តើមមានជំងឺរាតត្បាត។ បើទោះបីជា វិធានការនេះបានជួយទប់ស្កាត់ជាមួយកូវីដ១៩បានមួយរយៈក៏ពិតមែន ប៉ុន្តែវាបានជះឥទ្ធិពលដល់វិស័យទេសចរណ៍ដែលកំពុងរីកចម្រើនរបស់វៀតណាម ស្របពេលដែលចំណូលពីវិស័យនេះមានការរួមចំណែកប្រហែល ១០% នៃផលិតផលក្នុងស្រុកសរុប។
ជាមួយនឹងការប្រកាសលុបចោលវិធានរឹតត្បិតលើជើងហោះហើរអន្តរជាតិនេះវៀតណាមបានជូនដំណឹងដល់ប្រទេសដៃគូរបស់ខ្លួនរួចហើយអំពីគោលនយោបាយថ្មីនេះ ប៉ុន្តែមានតែប្រទេសចិនមួយប៉ុណ្ណោះ ដែលមិនទាន់យល់ព្រមក្នុងការបន្តជើងហោះហើរពាណិជ្ជកម្មជាមួយវៀតណាមឡើងវិញ។
អត្ថបទគួរអាន
ប្រទេសវៀតណាមបានចាប់ផ្តើមឡើងវិញជាបណ្តើរៗនូវជើងហោះហើរអន្តរជាតិជាមួយនឹងទីផ្សារ ប្រទេស និងដែនដីដែលជាគោលដៅចំនួន ១៥ ឡើងវិញចាប់ពីដើមឆ្នាំ២០២២មកម្ល៉េះ ជាមួយនឹងការបន្ធូរបន្ថយលក្ខខណ្ឌតម្រូវឱ្យធ្វើចត្តាឡីស័កចំពោះអ្នកដំណើរដែលទទួលវ៉ាក់សាំងរួច ដោយបច្ចុប្បន្នត្រូវបានបន្ថយមកនៅតែត្រឹមរយៈពេលបីថ្ងៃប៉ុណ្ណោះ។
សូមជម្រាបថា គិតត្រឹមថ្ងៃទី ១៣កុម្ភៈ ប្រទេសវៀតណាម មានករណីឆ្លងថ្មីចំនួនជាង ២ម៉ឺន ៦ពាន់នាក់ និងករណីស្លាប់ថ្មីចំនួន ៨៤នាក់ ដែលធ្វើឱ្យករណីឆ្លងសរុបក្នុងប្រទេសនេះកើនឡើងដល់ជិត ២លាន ៥សែនករណី ហើយប្រហែលជិត៤ម៉ឺនបានស្លាប់។ ដោយឡែក ការចាក់វ៉ាក់សាំងនៅវៀតណាមវិញ ក្នុងចំណោមប្រជាជនសរុប៩៨លានានាក់នៅវៀតណាម អ្នកដែលបានចាក់វ៉ាក់សាំងយ៉ាងហោចណាស់២ដូស មានជាង ៩៨%ហើយ៕
អត្ថបទ ស៊ើង និមល់
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
