កាលពីខែកក្កដា កន្លងទៅ គណកម្មាធិការអចិន្ត្រៃយ៍ នៃរដ្ឋសភាជាតិវៀតណាម បានអនុម័តកាត់បន្ថយពន្ធលើប្រេងយន្ដហោះ ពីប្រមាណ ១៣ សេនក្នុងមួយលីត្រ មកនៅត្រឹម៩សេនក្នុងមួយលីត្រ ដើម្បីការជួយសម្រាលបន្ទុក ក៏ដូចជាផលប៉ះពាល់របស់ក្រុមហ៊ុនអាកាសចរណ៍ ដែលបណ្ដាលមកពីមេរោគរាតត្បាតកូវីដ-១៩។ យ៉ាងណាមិញ នាពេលថ្មីៗនេះក្រសួងហិរញ្ញវត្ថុវៀតណាម ក៏បានស្នើរដ្ឋាភិបាល អំពីការរក្សានូវតម្លៃពន្ធលើប្រេងយន្ដហោះនេះឲ្យនៅទាបដដែល សម្រាប់រយៈពេល១ឆ្នាំទៀត ហើយការរក្សាតម្លៃពន្ធប្រេងយន្ដហោះឲ្យនៅទាបនេះ ត្រូវបានប៉ាន់ប្រមាណថា នឹងធ្វើឲ្យរដ្ឋវៀតណាមត្រូវបាត់ចំណូលប្រមាណ៣៧លាន ទៅជាង ៤១លានដុល្លារអាមេរិក។
ក្រៅតែពីជួយដល់ក្រុមហ៊ុនអាកាសចរណ៍ហើយនោះ ការរក្សាតម្លៃពន្ធប្រេងយន្ដហោះឲ្យនៅទាបនេះ ក៏នឹងជួយដល់វិស័យពាណិជ្ជកម្ម ទេសចរណ៍ និងសេវាកម្មផងដែរ។
អត្ថបទទាក់ទង!
នៅរយៈពេល នៅ៣ត្រីមាស ឆ្នាំ២០២០នេះ ក្រុមហ៊ុនអាកាសចរណ៍ធំៗរបស់វៀតណាម បានប្រកាសពីការខាតបង់រាប់រយលានដុល្លារអាមេរិក តួយ៉ាង ក្រុមហ៊ុនអាកាសចរណ៍ Vietnam Airlines ខាតបង់ប្រាក់ជាង ៤៦០លានដុល្លារ ខណៈដែល Vietjet ខាតបង់ប្រមាណ ៤០លានដុល្លារអាមេរិក។
នៅចន្លោះ ពីឆ្នាំ២០១៥ ដល់ឆ្នាំ២០១៩ បរិយាកាសពន្ធលើប្រេងយន្ដហោះ មានការកើនឡើងច្រើនជាងទ្វេដង ពោលគឺ កាលពីឆ្នាំ២០១៥ ពន្ធលើប្រេងយន្ដហោះ ដែលរដ្ឋាភិបាលវៀតណាមប្រមូលបាន មានប្រមាណជាង៧៣លានដុល្លារអាមេរិក ហើយមកដល់ឆ្នាំ២០១៩ បានកើនឡើងដល់១៥០លានដុល្លារអាមេរិក៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
