អ្នកនយោបាយខ្មែរត្រូវតាំងចិត្តឲ្យសឿងដូចអាមេរិក
ព័ត៌មាន
•
វិវាទនយោបាយក្នុងរបត់ចុងក្រោយ បន្ទាប់ពីប្រទេសជាតិមានការបង្រួបបង្រួមក្រោមឆ័ត្រសន្ធិសញ្ញាចរចាសន្តិភាព ២៣ តុលា ១៩៩១ នៅទី…
អាជ្ញាធរសាលារាជធានី អភិបាលក្រុងខ្លួនឯង ប្រកាសជារឿយៗអំពីការរំដោះចិញ្ចើមផ្លូវ ដើម្បីទុកឲ្យអ្នកថ្មើរជើងអាចដើរបាន និងរៀបចំរបៀបរៀបរយសាធារណៈ និងសោភ័ណភាពទីក្រុងគជមួយនេះ ប៉ុន្តែ ការប្រកាសហាក់បានត្រឹមតែប្រកាស គ្មានប្រសិទ្ធភាពអ្វីឡើយ។
ថ្មីៗបំផុត មន្ត្រីជាន់ខ្ពស់រដ្ឋាភិបាលថ្នាក់ឧបនាយករដ្ឋមន្ត្រី ក៏បានថ្លែងជំរុញឲ្យអាជ្ញាធរសាលារាជធានីដោះស្រាយបញ្ហាពលរដ្ឋយកចិញ្ចើមផ្លូវលក់ដូរនេះដែរ។
👉 គួរអាន ! អ្នកឈ្នះឆ្នោតជាកូនបំណុលរបស់រាស្ត្រ !
ដោះស្រាយមិនបាន ? មិនចង់ដោះស្រាយ ? ឬយ៉ាងណា ?
ចិញ្ចើមផ្លូវមិនមែនតែពលរដ្ឋអ្នកលក់ដូរតូចតាចទេដែលរំលោភយកចិញ្ចើមផ្លូវនោះ។ នៅតាមវិថីនានា គេក៏សង្កេតឃើញមានហាង ឬក្រុមហ៊ុនធំៗដែលមានម្ចាស់ជាអ្នកមានលុយមានបុណ្យស័ក្ដិ ក៏ឆ្លៀតកេងចំណេញយកចិញ្ចើមផ្លូវធ្វើជាចំណត ឬកន្លែងដាក់តាំងលក់ទំនិញដែរ។
ហាងលក់សម្លៀកបំពាក់មួយដាក់តាំងលក់ផលិតផលរបស់ខ្លួនលើចិញ្ចើមផ្លូវតាមបណ្ដោយមហាវិថីព្រះសីហនុ រាជធានីភ្នំពេញ។
(ហេង ភារម្យ)
ត្រង់នេះ គេអាចយល់ថា អាជ្ញាធរមូលដ្ឋានប្រហែលជាមិនហ៊ានអនុវត្តវិធានការចំពោះអ្នកធំៗទាំងនេះឡើយ និងថា បើអាជ្ញាធរធ្វើវិធានការតែចំពោះអ្នកលក់ដូរតូចតាច ប្រាកដជាត្រូវគេរិះគន់ជេរស្ដីជាមិនខាន។
តើចៅសង្កាត់ថ្មីមកពីបក្សសង្គ្រោះជាតិអាចដោះស្រាយបញ្ហានេះបានទេ?
លទ្ធផលបោះឆ្នោតឃុំសង្កាត់ឆ្នាំ២០១៧ បានចេញជាបឋមហើយ ដោយបង្ហាញថា ក្នុងរាជធានីភ្នំពេញ ចៅសង្កាត់ចាស់ដុះស្លែជាច្រើនត្រូវបានដូរចេញ ដោយចូលមកជំនួសវិញនូវចៅសង្កាត់ថ្មី មកពីគណបក្សសង្គ្រោះជាតិ។
ដូច្នេះ ចំពោះសង្គ្រាមរំដោះចិញ្ចើមផ្លូវនេះ ត្រូវគេមើលឃើញថា ជាការសាកល្បងសមត្ថភាពរបស់ចៅសង្កាត់ថ្មីទាំងនេះ ហើយប្រជាជននឹងរង់ចាំមើលទាំងអស់គ្នា ថាតើអ្នកថ្មី ដែលតែងតែរិះគន់អ្នកចាស់ អាចនឹងធ្វើកិច្ចការនេះបានសម្រេច ដែរ ឬទេ ?៕
