រាជរដ្ឋាភិបាលកម្ពុជាគ្រោងចំណាយថវិកា ១១០លានដុល្លារជួសជុល និងពង្រីកផ្លូវជាតិលេខ៤
ព័ត៌មាន
•
ក្រសួងសាធារណការ និងដឹកជញ្ជូន បានចាប់ផ្តើមធ្វើការពង្រីក និងជួសជុលផ្លូវជាតិលេខ៤ ក្រោយពីរាជរដ្ឋាភិបាលកម្ពុជាបានទទួលប្រាក់កម្ចីសម្បទានពីធ…
ជាមួយនឹងការរាប់សន្លឹកឆ្នោតច្រើនជាង ៩៨% លោក Yoon Suk-yeol ទទួលបានសំឡេងឆ្នោត ៤៨,៦% នៃសន្លឹកឆ្នោត ដែលនាំមុខគូប្រជែងរបស់ខ្លួនគឺលោក Lee Jae-myung មានសំឡេងឆ្នោតត្រឹមតែ ៤៧,៨% គឺប្រកៀកប្រកិតគ្នាមែនទែន។
លោក Yoon ដែលជាអ្នកនយោបាយថ្មីថ្មោងមួយរូបនេះ បានហៅជ័យជម្នះរបស់លោកថា ជាជ័យជំនះរបស់ប្រជាជនកូរ៉េខាងត្បូងដ៏អាស្ចារ្យ។ យ៉ាងណាមិញ ប្រទេសដែលមានចំនួនប្រជាជន ៥២លាននាក់នេះ មានប្រហែល ៧៧% នៃអ្នកបោះឆ្នោត ដែលមានសិទ្ធិបោះឆ្នោតបានបោះឆ្នោតជ្រើសរើសមេដឹកនាំប្រទេសថ្មី ហើយការរើសជ្រើសរបស់ពួកគេនេះ គឺសង្ឃឹមថា ប្រធានាធិបតីថ្មី នឹងអាចដោះស្រាយបាននូវបញ្ហាដែលកំពុងកើតឡើងនៅក្នុងសង្គមកូរ៉េខាងត្បូង ដែលមានដូចជា តម្លៃផ្ទះកើនឡើងខ្ពស់ ភាពអត់ការងារធ្វើរបស់យុវជន និងការធ្លាក់ចុះសេដ្ឋកិច្ច ដែលបណ្ដាលមកពីជំងឺកូវីដ១៩ជាដើម។ ជាមួយគ្នានេះ អ្នកបោះឆ្នោតក៏ចង់ឱ្យប្រធានាធិបតីថ្មីលុបបំបាត់អំពើពុករលួយ និងបន្តការចរចា ដើម្បីទប់ស្កាត់មហិច្ឆតានុយក្លេអ៊ែររបស់កូរ៉េខាងជើងផងដែរ។
ដូច្នេះ ថាតើក្នុងតំណែងថ្មី ជាប្រធានាធិបតី នៃប្រទេសសេដ្ឋកិច្ចធំទី៤នៅអាស៊ី លោកYoon នឹងត្រូវមានការរ៉ាប់រង ឬគោលនយោបាយដោះស្រាយបញ្ហាអ្វីខ្លះបន្តពីលោក Moon Jae-In។
បញ្ហាត្រូវដោះស្រាយទី១ គឺវិស័យសេដ្ឋកិច្ច
លោក Yoon បានឱ្យដឹងថា លោកគាំទ្រវិធីសាស្ត្រដែលដឹកនាំជំរុញការបង្កើតទីផ្សារ រួមទាំងការបង្កើតការងារ ដែលដឹកនាំដោយវិស័យឯកជន ជាជាងគម្រោងរបស់រដ្ឋាភិបាល។ ក្នុងនោះលោក បានស្នើសុំរដ្ឋាភិបាលបែងចែកថវិកាចំនួន ៤០ពាន់លានដុល្លារ ដើម្បីជួយឈ្មួញតូចតាច និងអ្នកមានរបរផ្ទាល់ខ្លួន ដែលរងគ្រោះដោយជំងឺរាតត្បាត រួមទាំងការផ្តល់ជាសាច់ប្រាក់ ចំនួនជាង ៣៥ ពាន់លានដុល្លារ សម្រាប់ជួយជនរងគ្រោះ ក៏ដូចជាអាជីវកម្មរងផលប៉ះពាល់ដោយសារកូវីដ១៩ដោយសារ។
ទី២ គឺដោះស្រាយបញ្ហាពន្ធ
ក្នុងតំណែងថ្មីនេះ លោក Yoon នឹងកាត់បន្ថយការកើនឡើងដើមទុន និងពន្ធលើកម្មសិទ្ធិអចលនទ្រព្យ ដើម្បីបង្កើនប្រតិបត្តិការទិញលក់លំនៅដ្ឋាន ព្រមទាំងនឹងលុបចោលពន្ធថ្មីដែលបានគ្រោងនឹងអនុវត្ត លើអ្នកដែលរកបានចំណូលប្រមាណជាង ៤ម៉ឺនដុល្លារ ពីការវិនិយោគភាគហ៊ុនផងដែរ។ បន្ថែមពីនេះ ប្រធានាធិបតីថ្មី ក៏បានសន្យានឹងកាត់បន្ថយពន្ធលើការកាន់កាប់អចលនទ្រព្យ ដើម្បីបង្កើនប្រតិបត្តិការទិញលក់លំនៅដ្ឋានផងដែរ។
ទី៣ គឺដោះស្រាយបញ្ហាលំនៅដ្ឋាន
បទប្បញ្ញត្តិអចលនទ្រព្យបច្ចុប្បន្ននៅកូរ៉េខាងត្បូងត្រូវតែបន្ធូរបន្ថយ និងត្រូវបានណែនាំដោយគោលការណ៍ទីផ្សារ។ លោក Yoon បានប្តេជ្ញាថា នឹងបង្កើតផ្ទះយ៉ាងហោចណាស់ ២លាន ៥សែនខ្នងក្នុងរយៈពេល ៥ ឆ្នាំខាងមុខ រួមទាំង ៥សែនខ្នងនៅរដ្ឋធានីសេអ៊ូលផងដែរ។
ទី៤ ដោះស្រាយបញ្ហាទាក់ទងនឹងហិច្ឆតានុយក្លេអ៊ែររបស់កូរ៉េខាងជើង
ក្រុមរបស់លោក Yoon បាននិយាយថា នឹងព្យាយាមចាប់ផ្តើមកិច្ចចរចាឡើងវិញ ជាមួយកូរ៉េខាងជើង ហើយនឹងស្វែងរកផែនទីបង្ហាញផ្លូវ ដែលមានអត្ថប្រយោជន៍យ៉ាងសំខាន់ និងឆាប់រហ័សសម្រាប់ទីក្រុងព្យុងយ៉ាង។ លោកក៏បានអំពាវនាវឱ្យបង្កើនការរារាំងផ្នែកយោធារួមទាំងការពង្រឹងទំនាក់ទំនង ជាមួយសហរដ្ឋអាមេរិកផងដែរ។ ទន្ទឹមនេះ លោកYoon នឹងស្វែងរកការបង្កើតបណ្តាញសន្ទនាបីផ្លូវជាអចិន្ត្រៃយ៍រវាងកូរ៉េខាងត្បូង កូរ៉េខាងជើង និង សហរដ្ឋអាមេរិក។
ទី៥ គឺដោះស្រាយគោលនយោបាយការបរទេស
លោក Yoon ចង់ទិញប្រព័ន្ធកាំជ្រួចមីស៊ីល THAAD បន្ថែមរបស់អាមេរិក ដើម្បីទប់ទល់នឹងប្រទេសកូរ៉េខាងជើង ទោះបីជាមានហានិភ័យ ដែលអាចរងការសងសឹកសេដ្ឋកិច្ចថ្មីពីប្រទេសចិនក៏ដោយ។
សូមជម្រាបថា ប្រធានាធិបតីថ្មីរូបនេះក៏ចង់ពង្រីកការពិគ្រោះយោបល់អំពីសម្ព័ន្ធភាពជុំវិញការបន្តការរារាំងនុយក្លេអ៊ែរជាមួយសហរដ្ឋអាមេរិក និងជំរុញភាពជាដៃគូត្រីភាគីជាមួយទីក្រុងវ៉ាស៊ីនតោន និងតូក្យូ ហើយក៏មានបំណងចូលរួមសម្ព័ន្ធមិត្ត Quad របស់សហរដ្ឋអាមេរិក អូស្ត្រាលី ជប៉ុន និងឥណ្ឌាផងដែរ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
