WHO៖ការស្លាប់ដោយសារកូវីដ១៩ នៅទូទាំងពិភពលោកបានធ្លាក់ចុះដល់កម្រិតទាបបំផុត

ក្រោយមានការចែកចាយវ៉ាក់សាំងកូវីដ១៩ និងមានការចាក់ជូនពលរដ្ឋ​យ៉ាងទូលំទូលាយក្នុងរយៈពេលជាងមួយឆ្នាំមកនេះ ត្រូវបានគរមើលឃើញថា វាបានរួមចំណែកក្នុងការកាត់បន្ថយ​អត្រា​ស្លាប់ទៅទូទាំងពិភពលោក។

ទោះបីជាយ៉ាណា លោក តេដ្រូស បាននិយាយថា មានតែប្រទេសចំនួនបីប៉ុណ្ណោះគឺប្រទេស ប៊ូរុនឌី អេរីទ្រា និងកូរ៉េខាងជើង​មិនទាន់​បានចាប់ផ្តើម​ចែកចាយ​វ៉ាក់សាំង​នៅឡើយទេ។ លោកបានកត់សម្គាល់ទៀតថា ភាគច្រើននៃប្រទេស​ទាំង៥៦ នៅទ្វីបអាហ្វ្រិក មានអត្រាចាក់វ៉ាក់សាំង​តែក្រោម ១០%ប៉ុណ្ណោះ ហើយពាក់កណ្តាល​នៃប្រទេសទាំង​នេះ​មានប្រជាជនតែ ២% ឬតិចជាងនេះ ដែលបាន​ចាក់វ៉ាក់សាំងគ្រប់ចំនួនដូស នេះបើយោងតាមរបាយការណ៍​របស់អង្គការសុខភាពពិភពលោកកាល​ពីថ្ងៃទី ៣០ ខែកញ្ញា។

សូមជម្រាបថា អត្រាអ្នកស្លាប់ដែលមានចំនួន​ខ្ពស់បំផុតភាគច្រើន គឺនៅក្នុងប្រទេសដែលមានអត្រាចាក់វ៉ាក់សាំងតិចបំផុត។ ការស្រាវជ្រាវពីមជ្ឈមណ្ឌលត្រួតពិនិត្យ និងបង្ការជំងឺឆ្លង​បានបង្ហាញថា បុគ្គលដែលមិនបានចាក់វ៉ាក់សាំង គឺមានលទ្ធភាពស្លាប់ដោយសារ​ជំងឺកូវីដដល់ទៅខ្ពស់។

ដូចនេះហើយ លោក តេដ្រូស បានអំពាវនាវម្ដងហើយម្ដងទៀត ដល់ប្រទេសអ្នកមានដើម្បីបញ្ឈប់ការចែកចាយការចាក់វ៉ាក់សាំងកូវីដ១៩ ដើម្បីជួយ​សម្រេចគោលដៅ​របស់អង្គការសុខភាពពិភពលោក​ក្នុងការចាក់វ៉ាក់សាំងឱ្យបាន ៤០% នៅគ្រប់ប្រទេសទាំងអស់នៅចុងឆ្នាំនេះ។